БилингваБилингвизмъя удмурт центрКыккылолыклэн умой палъёсыз
Кык кылэз огвакытэ дышетэм нылпилэн азинсконаз туж ӟечен шӧдиське, малы ке шуоно анай-атай ласянь но трос саклык кулэ каре. Кыккылолык нылпилэсь огъя кыл шӧдон но берыктон быгатонлыкъёссэ ужатэ. Кык кылэз пичи дыре дышетэм куинетӥ кылэз дышетонын уката но юрттэ.
Кыкетӥ кылэз дышетыны кутскем туж герӟаськемын нылпилэн огъя кылтодон быгатонлыкезлэн азинскеменыз: макем нырысетӥ но кыкетӥ кылэз дышетон вискын пичи дыр кусып, сокем огкадьгес луэ кыккылолык но котькуд кылэз валанэз пиналлэн вылӥегес ӝутӥське.
Кыккылолык анализ лэсьтон, ӝог валан, математикая но логикая быгатонлыкъёсты азинтыны юрттэ. Умой будӥсь кыккыло пиналъёс ӟеч дышетско, мукетъёсыныз ӵошатыса, кунгож сьӧр кылъёсты, литератураез но абстрактной тодосъёсты но капчиенгес дышето. Кыккыло нылпи, одӥгкылоеныз ӵошатоно ке, кыл аспӧртэмлыкъёсын тросгес тунсыкъяське, малы ке шуоно солэн кылъя опытэз трослы паськытгес. Озьы со куинькыло но, троскыло но луыны быгатэ.