БилингваБилингвизмъя удмурт центрНадежда Серафимовна Лопатиналэн литературной мадиськонъёсыз
Н.С. Лопатиналэн мадиськонъёсыз басьтэмын Лопатина Н.С. Буквы в прятки разыгрались… = Чимали букваос: головоломки, стихи-загадки, игры, ребусы. /Перевод с удмуртского В. Созонова и О. Охотниковой. ‒ Ижевск, 2001. ‒ 32 с. книгаысь.
Шудонъёс-мадиськонъёс «АСЬСЭОС ВЕРАЛО»
Котькуд кылбурын кыӵе ке но будос (сяська) ним ватӥськемын. Соосты тодыны клеткаос юрттозы.
Мон туж востэм маке будос,
Но чеберске монэн улос.
Ӵуж-ӵуж шляпа понӥ йырам,
Вож тулысэз ваи сьӧрам.
В у к у а р
Куаръёсы но ву вылын,
Сяськае но ву вылын.
Туж кельше мыным татын:
Лэйкатэ монэ тулкым.
В у м у л ь ы
Синмаськымон ӧвӧл сокем,
Кудӥз шорам кырыж учке.
Чигтӥд ке нош ‒ потэ йӧлы,
Йӧлы эмъя висёнъёсты.
Ӵ у ж й ӧ л
Ческыт зыно ӵуж сяськаме
Малы уг поты бичамед?
Тулыс сӥлы вал ук ‒ сиид,
Пумем берам нош вунэтӥд.
К у р ы т г у м ы
Мон бусӥр но,
Мон лемлет но,
Пеймыт-лыз но луисько.
Возь вылын но,
Тэль кушын но
Лачак-лачак будӥсько.
Сяськае гырлы тусо.
Но куара уг сёты со.
К у а к а г ы р л ы
Нош мон верай ке тодметме,
Туж ӝог тодод, ява, нимме:
Мамык йыры тани тӧлзе,
Вань йырсие ини лобӟе.
У н я б е й
КЫЗ НО ШУДОНЪЁС
Мадиськонъёслэсь валэктонъёссэс тодыны юрттозы кызэ ошылэм шудонъёс-арбериос.
Мед гинэ шедёз омыр ‒
Со мыным умой кӧттыр.
Мон будо бадӟым-бадӟым,
Тӥледлы луо кузьым. (Шар)
Сьӧдчабей вадьсын, сяськаос вылын
Вертолёт выллем гужгетэ.
Кожаськод, юнме со лоба-эктэ:
Пуйызэ мӧлен тырмытэ. (Муш)
Вики-ваки кыскады ке,
Кырӟато но бӧрӟыто,
Тыпыр-тапыр эктыто,
Ваньдэс-ваньдэс шулдырто. (Арган)
Map таӵе? Паймод, Лёгор,
Пыд дорам пурысь бугор.
Кутыса ӝути но, я,
Шоканы, лэся, ӧдъя. (Ӵушъял)
Ӵыж но ӵаж вазисько.
Эн пайме.
Пӧсь чаен сектало
Кузёме. (Самовар)
Койыкен ӵошен лапчи,
Луд кечен артэ ...
Тупаса уло татын.
Кытын-о? Выжыкылын. (Ӟичы)
Изьыез ‒ тӧдьы-гордо.
Бичалом тае ойдо.
Сыл ай, сыл. Чебер укыр,
… (Кут кулон губи) та, дыр.
Кык ведра вуэз ӝути.
Губырски. Оло, жади? (Карнан)
Кинтэк азбарын мӧзмыт?
Малпаськелэ ай ӧжыт. (Атас)
«К» букваосын кылъёс
Котькуд кылбурез сак лыдӟоно но «к» букваен кылъёсты шедьтоно.
Шонер тодэмдэс эскерон понна, суредам клеткаосты учконо: бушъёсаз пуксьылозы кулэ букваос.
Возь вылын но со будэ,
Бакчаын но со будэ.
Куаръёсыз чырсэсь ке но,
Сиеммы ялан потэ.
К __ __ __ К __ __ __ К (Кузькылак)
Пель дорам ик быз-з! каре,
Куртчиськоз-а табере?
Пульсатъя ни ымнырме,
Киосме но пыдъёсме.
Шат таин уг на тырмы?!
Вот, ява, кыӵе нымы!
К __ __ __ К __ К (Кузькук (чибинь)
Одӥг гурзэ силе котьку:
Ку-ку! Ку-ку! Ку-ку! Ку-ку!
К __ К __ (Кикы)
Буш вал та инты копак ‒
Туэ пушйиз лулпу ....
К __ __ К (Куак)
Усьтэмын мон вӧлак ‒
Пырелэ дэменак,
Кин, дормес гажаса,
Кин нош, так ‒ кожыса.
К __ __ К __(Капка)
.......................... куара шуак
Кылӥськиз азбар тырак.
Курегъёс вазе гурак:
Куд-кудак! Кудак! Кудак!
Ма, душес поръя инмын,
Васькыны дасяськемын.
К __ __ __ __ __ К __ __ (Кесяськем)
Лэсьтӥськись гажа кранэз,
Со солэн матысь эшез.
...........-аз дэмӟытъяса
Со кирпич, бетон ӝутъя.
К __ __ __ К (Курик)
АРЛЭН ДЫРЫЗ ‒ ТУЛЫС
Гожъялом кылбур чуръёс,
Оло, юрттоды, эшъёс, ‒
Кельтылэм интыосы
Шедьтэ кулэ кылъёсты.
Бичало, малпай, узы,
Нош шедьтӥ … (кызаузы).
Чик куартэм модос борды
Усьтӥськиз зарни бирды.
Нош малы шуо … (вукуар)?
Ма, гужем поттоз ай куар.
Лымыед шуназ гинэ,
Мон вӧлъяй ни бурдъёсме ‒
Кузь тӧдьы синлысъёсме.
Мон ‒ … (кечсин). Тодӥд нимме?
Шудӥсько пиналъёсын,
Исасько сиосыным.
Лобасько мон, пегасько,
Синъёссэс мальдытӥсько.
Кин-о бен, шуоды, тӥ?
Мон ‒ тэтчась юг … (шундыпи).
Ачид-а лэсьтӥд, Володя, уморто?
… (Шырчик) тон понна, дыр, кырӟа туж усто.
Юзмыт, ческыт со ву,
Нимыз солэн … (сурсву).
Кызьпу кузя ваське,
Тулыс вуиз, иське.
Кутыса сое уд ву ‒
Жильыртэ, бызе … тудву).
Кырӟа, кырӟа, … (тюрагай).
Жингрес гурдэ кисьты ай.
Тон пичи гинэ, востэм,
Куараед нош ӵыдонтэм.
Пырыны вуэ шурдо,
Шур дуре пукто … (мурдо).
КЫК «О» БУКВАЕН КЫЛЪЁС
Кык «о» букваен кылъёсты шедьтыны юрттозы кылбур чуръёс,суредъёс но клеткаос.
Питырес, шаплы ...,
Мынэсьтым но-а пегӟод?
__ О __ __ О (Колӟо)
Шудысал, шальккетысал но,
Басьтымтэ на ….
__ О __ __ __ О (домино)
....… ӝуштэ, дыртэ.
Ма меда сыӵе ворттэ?
__ __ __ О __ О __ (паровоз)
Удалтэм, пе,...........,
Утялтэм, тыршем Педор.
__ О __ __ __ О __ (помидор)
…..-кучо, йыртэмась,
Бурдолэсь карзэ таркась.
Улӥськод нёжалъёсын,
Шур дурысь нюлэсъёсын.
Трос укыр сюлмаськонэд ‒
Кыл вӧлдон уго ужед.
__ О __ О (Коӵо)