БилингваБилингвизмъя удмурт центрУрокъёслы юрттэт
Дэмлам материалъёсты уже кутыны луоз удмурт кылэз дышетон понна.
Кондратьева Н. В. (филологи тодосъёсъя доктор, Удмурт кун университет)
Елышева И. О (Пичи Пурга гимназия)
Удмурт кылъя урокъёсын шудон технологиосты уже кутон
При изучении как родного, так и иностранного языка важную роль играет использование игровых технологий. Благодаря игровой методике активизируются все познавательные процессы учащихся, игры помогают снять усталость, преодолеть языковой и психологический барьеры, что особенно важно для занятий при изучении удмуртского языка как неродного.
Булычева Е. А., Разина Ю. Н. Гожъя, лыдӟы, вера!
Туннэ нуналэ трос ужпумъёс пӧлысь одӥгез валтӥсез – дышетскисьёсты шонер гожъяськыны, лыдӟиськыны но вераськыны дышетон. Али вань та тодон-валанъёсты ас ӧнеразы, озьы ик пӧртэм удысъёсын кутыны быгатон – туала улонлэн куронэз луэ. Пособиын сётэм ужъёс юрттозы тодонзэс, валанзэс, быгатонзэс азьланьтыны но пӧртэм удысъёсын ваньзэ сое вераськоназы кутыны.
Стрелкова О. Б. Кылшыкысэз усьтыса: Дышетон-амалтодослыко юрттос
Книгаын дэмлам ужъёс удмурт кылэз дышетӥсь студентъёслэсь вераськемзэс волятон понна гинэ чакла‐ мын ӧвӧл, соос юрттозы кылолыкез дышетонын, удмурт кыллэсь узырлыксэ но паймымон аспӧртэмлыксэ валанын. Студентъёс огвыллем луись кылъёсыз ог‐огзылэсь висъяны дышозы, кушето кылъёслэсь пӧрмемзэс эскерозы, визькылъёслэсь удмурт вераськонын кутӥськемзэс адӟозы но ас вераськоназы но со кылъёсыз, кылтэчетъёсыз кутыны дышетскозы. Куд‐ог ужъёсыз кузэн ужын но котретэн ужын кутыны луоно, озьы ик рольёсын шудонъёс но дэмламын.
Резенова Р.И., Глазов ёросысь Дондыкар шоръёзо школаысь удмурт кылъя но литературая дышетӥсь
Н. Байтеряков. «Солдатъёс ке кошко» поэма. Удмурт литературая урок. 11 класс
Та ужын дэмламын Н.С. Байтеряковлэн творчествоезъя 11-тӥ классын урокез нуыны дэмланъёс. Урок чакламын удмурт кылэз анай кыл чотын дышетӥсь нылпиослы.
Резенова Р.И., Глазов ёросысь Дондыкар шоръёзо школаысь удмурт кылъя но литературая дышетӥсь
«Мынам уг поты кысэме…». Ф.И. Васильевлэн творчествоезъя урок
Та ужын дэмламын Флор Иванович Васильевлэн творчествоезъя удмурт литературая урокез нуыны дэмланъёс. Урок чакламын удмурт кылэз анай кыл чотын дышетӥсь нылпиослы.
Резенова Р.И., Глазов ёросысь Дондыкар шоръёзо школаысь удмурт кылъя но литературая дышетӥсь
Сложной кылъёслэн гожтӥськемзы. Удмурт кылъя 6 классын урок.
Та уж Раиса Ивановна Резеноваен дасямын вал "Анай кылъя самой усто дышетӥсь" (Муско, 2014) конкурсэ, кытын дышетӥсь 2-тӥ инты басьтӥз. Уроклы дэмланъёс чакламын 6-тӥ классын дышетскись нылпиос понна, кудъёсыз удмурт кылэз анай кыл чотын дышето.
Малинина С.В., Шаркан ёросысь Ляльшур шоръёзо школаысь удмурт кылъя но литературая дышетӥсь
Вужмем кылъёс. Удмурт кылъя 6 классын урок.
Та ужын сётэмын "Вужмем кылъёс" темая удмурт кылъя урокез нуыны дэмланъёс. Урок чакламын удмурт кылэз анай кыл чотын дышетӥсь нылпиослы ФГОС-эз лыдэ басьтыса.
Малинина С.В., Шаркан ёросысь Ляльшур шоръёзо школаысь удмурт кылъя но литературая дышетӥсь
Паймымон писпу. Сочинение-рассуждение гожтыны дасяськон урок
Та ужын сётэмын дэмланъёс, кызьы сочинение-рассуждение гожтыны дасяськон урокез луоз радъяны. Урок чакламын удмурт кылэз анай кыл чотын дышетӥсь нылпиослы ФГОС-эз лыдэ басьтыса. Та уж Светлана Васильевнаен дасямын вал "Анай кылъя самой усто дышетӥсь" (Муско, 2015) конкурсэ, кытын дышетӥсь 2-тӥ инты басьтӥз.
Хохрякова Л.Э., Якшур-Бодья ёросысь Ӵошкыт шоръёзо школаысь покчи классъёсысь дышетӥсь
Боко Олёшлэсь гожтэт басьтӥз. «Ӟеч-а, бур-а, удмурт кыл!» учебникъя удмурт кылъя урок. 4 класс.
Та уж пайдаё луоз покчи классъёсын «Ӟеч-а, бур-а, удмурт кыл!» учебникъя удмурт кылэз дышетӥсьёслы. Нылпиос урок ӵоже дешетско удмурт кылын гожтэт гожъяны. Урокез нуыны сётэм дэмланъёсын чакламын Федерал кун дышетон стандартлэн куронъёсыз.
Ершова М.А., Дэбес ёросысь Заречной Медла шоръёзо школаысь удмурт кылъя но литературая дышетӥсь
Куараос но букваос. Удмурт кылъя урок.5 класс.
Ершова Марина Александровна - 2014-тӥ арын "Анай кылъя самой усто дышетӥсь" элькун конкурсэ пыриськисьёс пӧлысь одӥгез финалистэз луэ. Та ужын сётэмын дэмланъёс, кызьы луоз 5 классын "Куараос но букваос" темая удмурт кылъя урокез радъяны. Урок азьын пуктэм ужпумъёс: куараослэсь но букваослэсь пӧртэмлыксэс возьматоно; ог-огенызы ужаны быгатонлыксэс азинтоно; малпанъёссэс чебер, вольыт вераны дышетоно. Урок чакламын удмурт кылэз анай кыл чотын дышетӥсь нылпиослы ФГОС-эз лыдэ басьтыса.
Ершова М.А., Дэбес ёросысь Заречной Медла шоръёзо школаысь удмурт кылъя но литературая дышетӥсь
Междометие. Удмурт кылъя урок. 7 класс
Ершова Марина Александровна - 2014-тӥ арын "Анай кылъя самой усто дышетӥсь" элькун конкурсэ пыриськисьёс пӧлысь одӥгез финалистэз луэ. Та ужын сётэмын дэмланъёс, кызьы луоз 7 классын "Междометие" темая удмурт кылъя урокез радъяны. Урок азьын пуктэм ужпумъёс: междометие вераськон люкетэн тодматоно но мукет вераськон люкетъёслэсь пӧртэмлыксэ возьматоно; текстысь междометиосты шедьтыны дышетоно но соослэсь кулэлыксэс возьматоно; предложенилы синтаксической разбор лэсьтонэз юнматоно; нылпиослэсь ог-огенызы ужаны быгатонлыксэс азинтоно. Урок чакламын удмурт кылэз анай кыл чотын дышетӥсь нылпиослы ФГОС-эз лыдэ басьтыса.
Светлакова С.В., Ува ёросысь Узей-Тукля нылпи садысь визьнодась
"Бакча сиёнъёс" темая занятилы конспект
Та ужез нылпи садын, 3-4 аресъем, удмурт кылэз тодӥсьтэм, нылпиосын «Бакча сиёнъёс» темаез эскерыку кутыны луоз.
Пуктэм ужпумъёс: пинналлэсь удмурт кылэз дышетон мылкыдзэ пуромытон; удмурт кылын вераськемез кылзыны но валаны дышетон; мугор люкетъёсты но бакча сиёнъёсты тодэ ваён; кылтӥрлыксэс узырмытон.
Светлакова С.В., Ува ёросысь Узей-Тукля нылпи садысь визьнодась
"Удмурт выжыкылъёсысь мифологической геройёс" темая занятилы конспект
Та ужез нылпи садысь школае мыныны дасяськись группаысь пиналъёсын (удмурт кылэз тодӥсьтэм нылпиосын) удмурт кылэз дышетонъя урокъёсын «Удмурт выжыкылъёсысь, легендаосысь но мифъёсысь геройёс» темаез эскерыку кутыны луоз.
Нылпиослэн тодэмзы потэ мифъёсты, выжыкылысь пӧртэм геройёсты, угось, нылпилэн дунне шоры учконэз выжыкыллы матын луэ. Соин ик нылпи садысь школае мыныны дасяськись группаысь пиналъёслы удмурт калык выжыкылъёсъя, мифъёсъя пӧлэстиськем ужрад ортчытыны луоз.
Ужрадлэн азьмугез: нылпиослэсь удмурт выжыкылысь но мифъёсысь геройъёс сярысь тодон-валанзэс узырмытон.
Светлакова С.В., Ува ёросысь Узей-Тукля нылпи садысь визьнодась
"Нуны возён" сям-йылол" темая занятилы конспект
Та ужез нылпи садысь школае мыныны дасяськись группаысь пиналъёсын (удмурт кылэз тодӥсьтэм нылпиосын) удмурт кылэз дышетонъя урокын «Пинал возён» сям-йылолэн тодматыку кутыны луоз.
Ужрадлэн азьмугез: нылпиосты удмурт лулчеберетэн тодматон, соослэсь удмурт калыклэн сям-йылолъёсыз сярысь тодон-валанзэс паськытатон («Пинал возён» сям-йылолэныз тодматон пыр).
Светлакова С.В., Ува ёросысь Узей-Тукля нылпи садысь визьнодась
"Милям азбарамы" темая занятилы конспект
Та ужез нылпи садын, 3-4 аресъем, удмурт кылэз тодӥсьтэм, нылпиосын «Милям азбарамы» темаез эскерыку кутыны луоз.
Пуктэм ужпумъёс: пудо-животъёс сярысь нылпиослэсь тодон-валанзэс муромытон, гуртын улӥсь тылобурдоосын тодматон, удмурт кылэз яратон но гажан мылкыд пыӵатон, нылпиослэсь кылтирлыксэс узырмытон.
Светлакова С.В., Ува ёросысь Узей-Тукля нылпи садысь визьнодась
Чингыли
4-5 аресъем ӟучомем пиналъёсын "Гурт пудо-животъёс" темаез эскерон уроклы конспект.
Пуктэм ужпумъёс:
‒ арлэн вакытъёсыз но пудо-животъёс сярысь тодон-валанзэс муромытон;
‒чингыли крезьгуро инструментэн тодматон;
‒ нылпиосты пичи веросъёс кылдытъяны но ас малпанъёссэс валэктыны, сэрттыны-пертчыны дышетон;
‒ кылзэс волятон;
‒ шудонын ог-огенызы кусып тупатыны быгатонлыкъёссэс азинтон;
‒ чеберлыко удмурт литератураен тунсыкъяськон мылкыд пыӵатон.
Светлакова С.В., Ува ёросысь Узей-Тукля нылпи садысь визьнодась
Пӧйшуръёс
Та ужез нылпи садын, 5-6 аресъем, удмурт кылэз тодӥсьтэм, нылпиосын «Пӧйшуръёс» темаез эскерыку кутыны луоз.
Пуктэм ужпумъёс:
Пӧйшуръёс сярысь тодон-валанзэс муромытоно;
Кылтӥрлыксэс будэтоно;
Пӧйшуръёсты яратон мылкыд пыӵатоно;
Одӥг-кык кылын асьсэлэсь малпанзэс вераны дышетоно;
Удмурт кылэз яратон но гажан мылкыд пыӵатоно.
Ившина Н.В., Балезино каргуртысь "Сказка" нылпи садысь визьнодась
Пӧйшуръёс толалтэ
4-5 аресъем нылпиосын "Пӧйшуръёс" темая ужманерез ортчытыны конспект. Пӧртэм шудонъёс пыр пиналъёс удмурт кылэз валаны дышетско, пӧйшуръёс сярысь тодон-валанзэс муромыто, удмурт кылын вераськыны быгатонзэс азинто.
Ившина Н.В., Балезино каргуртысь "Сказка" нылпи садысь визьнодась
"Тылобурдоос" темая конспект
Покчи нылпиослы занятие. Пиналъёс тол инкуазьлэсъ чеберзэ, тодметъёссэ адӟыны но валаны дышетско, тылобурдоос сярысь тодон-валанзэс муромыто но соосты вылтуссыя тодманы дышетско, кылтӥрлыксэс узырмыто.
Ившина Н.В., Балезино каргуртысь "Сказка" нылпи садысь визьнодась
Сӥзьыл пукон ӝыт
5-7 аресъем нылпиосын ужрад. Пиналъёс доры вуэ Обыда, соослэсь юрттэт куре.
Та занятие пиналъёслэсь творческой быгатонлыксэс азинтыны, калык сямъёс сярысь тодон-валанзэс паськытатыны, удмуртлыкез гажан мылкыд пыӵатыны юрттоз.
Ившина Н.В., Балезино каргуртысь "Сказка" нылпи садысь визьнодась
"Шудо семья" ужрадлы конспект
Ӵукшудон сӥземын Семьялэн нуналэзлы. Пӧртэм ужрадъёс пыр семъяос возьмато ог-огзэсты яратэмзэс, удмуртлыкез гажамзэс. Ужрад юрттэ анай-атайёслэсь но нылпи садлэсь кусыпъёссэс юнматыны.
Ившина Н.В., Балезино каргуртысь "Сказка" нылпи садысь визьнодась
"Паймымон ӵыжинъёс". Мастер-класслы конспект.
Мастер-класс возьматэ кызьы ӵыжинэз пиналъёсын ужманер пыр уже кутыны луэ: пӧртэм шудонъёс, арбериос лэсьтыны, ӝӧквыл шудонъёс малпаны, киослы массаж лэсьтыны. Материал гожтэмын ӟуч кылын, нош шудонъёс но массаж лэсьтон радлык - ӟуч но удмурт кылын. Дэмлам материал нылпи садын но покчи классъёсын ужасьёслы, анай-атайёслы юрттэт луоз.
Русских С.А., Балезино каргуртысь "Сказка" нылпи садысь визьнодась
Удмурт кылын дидактической шудонъёс
Нылпи садын но покчи классъёсын ужасьёслы шудонъёсын бичет. Шудонъёс юрттозы нылпиослэсь кылтӥрлыксэс узырмытыны но паськытатыны, котырысь улонэн тодматыны. Дэмлам материал нылпи садын но покчи классъёсын ужасьёслы, анай-атайёслы юрттэт луоз.
Калашникова А.Н., Кузёбай Герд нимо удмурт кун йӧскалык гимназилэн нылпи садысьтыз вылӥ категориен визьнодась
Анай киос. Анайлэн нуналэзлы сӥзем занятилы конспект
"Анай киос" занятие сиземын Анайлэн нуналэзлы. Занятиын пиналъёс исследовательской уж пыр тодматско выль удмурт кылъёсын. Анайлэн киосыз ӵошатӥсько арбериослэн тодметъёсынызы, кудъёсыныз пиналъёс тодматско сенсорной обследованиос пыр. Вакчияк инсценировка пыр возьматӥське анайлэн гуртысь ужез. Пиналъёс действиос пыр тодматско соосты возьматӥсь удмурт кылъёсын. Действиос юртто удмурт кылъёслэсь значенизэс валаны.
Калашникова А.Н., Кузёбай Герд нимо удмурт кун йӧскалык гимназилэн нылпи садысьтыз вылӥ категориен визьнодась
Кин улэ нюлэскын. А.Н. Клабуковлэн творчествоезлы сӥзем занятилы конспект
"Кин улэ нюлэскын" занятие пыр пиналъёс тодматскизы Аркадий Клабуковлэн творчествоеныз, малы ке шуоно нылпи садэ ветлӥсь нылпиослы солэн туж трос кылбуръёсыз гожтэмын. Ӵемысь пиналъёслы лыдӟиськомы кылбуръёс, нош авторезлы кулэ луись саклык ум висъяське, солы луыса, пиналъёс авторзэ тодыса уг вутто. Быръем кылбуръёс одӥг сюжэтэн герӟамын но костюмъёсын инсценировать каремын вал. Инсценировка дасяку пиналъёс удмурт кылын кыр пӧйшуръёслэсь нимъёссэс тодӥзы, нош занятиын со тодон-валанъёссэс возьматӥзы.
Михайлова Л.Г., Кузёбай Герд нимо удмурт кун йӧскалык гимназилэн нылпи садысьтыз визьнодась
«Писпуос сайкало». 5-6 аресъем удмурт кылэз дышетӥсь нылпиослы ужрадлэн конспектэз
Удмурт кылэз дышетыны луэ котырысь арбериосты кутылыса но, нымы-кибыосты учкыса но, писпуосты эскерыса но. Бадӟым муртъёслэн юрттэменызы пинал удмурт кылын вунонтэм опытъёс но тунсыко эскеронъёс ортчытыны пӧрмытэ.
Михайлова Л.Г., Широбокова Т.В., Кузёбай Герд нимо удмурт кун йӧскалык гимназилэн нылпи садысьтыз визьнодасьёс
«Быдӟымнунал». 4-5 аресъем удмурт кылэз дышетӥсь нылпиослы ужрадлэн конспектэз
Пинал дыр пайдаё луэ, нылпи шудыса ке сое ортчытэ. Шудон пыр удмурт кылэз дышетыны но капчи. Нылпиосты калыклэсь йылол-сямъёссэ шудон амал пыр возьматон удмурт кылэз капчиен дышетыны юрттэ, пиналлэн удмурт кылэн тунсыкъяськонэз но будэ.
Михайлова Л.Г., Кузёбай Герд нимо удмурт кун йӧскалык гимназилэн нылпи садысьтыз визьнодась
«Бадӟым семья – шулдыр улон». 5-6 аресъем удмурт кылэз дышетӥсь нылпиослы ужрадлэн конспектэз
Михайлова Л.Г., Кузёбай Герд нимо удмурт кун йӧскалык гимназилэн нылпи садысьтыз визьнодась
Фиксикъёсын ӵош - зоопарке. Удмурт кылэз дышетӥсь нылпиослы ужрад (6-7 арес)
Пуктэм ужпум: пӧсь кунъёсысь пӧйшур нимъёсын тодматскон.
Азьмугъёс: одӥгысен дас витёзь лыдпусъёсты но буёлъёсты юнматон, «действиосын» глаголъёсты тодэ ваён, мугор люкетъёсты тодэ ваён.