БилингваБилингвизмъя удмурт центрÖнерчиос верало
Кыӵе кылын вераськоно кыккыло семьяосын?
Екатерина Протасова, педагогика тодосъёсъя доктор, А.В. Запорожец нимо “Дошкольное детство” центрысь валтӥсь тодослыко ужась: http://www.enfance-polyphonique.org/forum
«Кыккыло семьяосын нылпизы вордӥськемлэсь вазьгес ик анай-атайёслы малпаськыны кулэ, кыче кылын ог-огенызы вераськозы. Ӵыжы-выжыос – вож пиналлэн одӥг гинэ котырысь дуннеен герӟетэз, озьыен, ас корка борддоръёс пушкын ортче вераськон кылэз быръён. Принципез огшоры: макем трос соиз яке таиз кыл корка пушкын чузъяське, сокем ӟеч тодоз сое нылпи.
Эшшо но умойгес, куке нылпиен вераськыкузы, анай но атай котькудзы кутозы асьсэ анай кылзэс, нош куспазы вераськозы со кылын, кудӥз нылпи котырын шергес чузъяське. Со туж кулэ, огласянь, шергес кутӥськись кыл коркан ӵемгес мед кылӥськоз шуыса, мукет ласянь, каньыл психологической климат кылдытон понна: пичи нылпи шӧдоз, та кылын вераськыны кулэ шуыса, малы ке шуоно сое матысь, дуно адямиос тодо. Тае туж шуг лэсьтыны, куке, шуом, ӟуч анай урод тодэ немец кылэз – картэзлэсь анай кылзэ. Таӵе учыре туж умой луысал, атай куное эшъёссэ но ӵыжы-выжыоссэ ӧтьылысал но соосын ас кылыныз пичи нылпи азьын вераськысал ке.
Куке котькудӥз анай но атай нылпиенызы одӥг кылын гинэ вераське, нокыӵе сураськон уг луы, пичи пинал котьку тодэ, кызьы вазьыны. Нош мар но кызьы куспазы верасько анай-атайёссы, пичиослы туж ик тунсыко уг луы: соос асьсэ шоры вазем кылъёсты гинэ кыло-валало. Шуг-секытъёс кутско со вакытэ, куке нылпи будэ но малпаськыны кутске, малы анаез но атаез пӧртэм сямен верасько. Куддыръя со пӧртэм кылъёсыз кутыса вераське, соосты ог-огзы борды итыса (анай кылаз пичи пинал борсьысь борсе нылпи куарапышкылонэз но арлыдоослэсь кылзэс вера: “биби - машина”, “бобо - вӧсь”). Луыло сыӵе учыръёс но, куке одӥг веранын пӧртэм кылъёсысь лексемаос кутӥсько. Со чик но кышкыт ӧвӧл. Нылпиен вераськись муртлы тыршоно, пичизы кыӵе ке одӥг кылын гинэ чылкыт мед вераськоз шуыса. Талы саклык ӧд ке висъя, нылпилы тодаз ӧд ке вайытылы, со суро-пожо кыллы дышоз, сое тазьы но умой валало шуыса.
Арлыдоослы асьсэлы но кылъёсыз сураны уг яра. Соку нылпи валалоз уго, кыӵе кылысь луэ котькуд верам. Соин ик котькуд фразаез кык кылын вераны тырше, яке кыл борды берыктэмзэ ватсалэ. Сотэк нылпи малпалоз, анаез сыӵе умой ӟуч кылын вераське но, атаез сое сыӵе ӟеч вала бере, мукет кылэз дышетыны кулэ ӧвӧл ини шуыса. Пиналлы анай-атаез чебер вераськемез ӧз ке возьматэ, солы шуг валаны луоз, кыӵе кыллы дышето сое.
Кӧня ке кылын вераськись семьяосын туж шуг бырйыны анай кылэз. Таӵе учыре висъяны кулэ, кудӥныз кылын тӥ капчигес, янгышъёстэк вераськиськоды, лыдӟиськиськоды, гожъяськиськоды, ваньзэ валаса но кыллэсь валатонзэ утчаны курадӟытэк. Куддыръя сое шӧдыны капчи уг луы. Луылэ, шуом, озьы, куке веттан гуръёсыз ӟуч кылын тодӥськод тросгес, нош нылпи кылбуръёсыз тодэ вайыны уд быгатӥськы, яке ӟуч сямен вань губи нимъёсты тодӥськод, нош узы-боры нимъёсты – литва сямен гинэ.
Кыкез но кыл нылпи котырысь вераськонын луэмезъя тырмыт мед пумиськылоз. Умой луысал, нылпи пӧртэм арлыдо ӵыжы-выжыосыныз но тодмоосыныз кыкеныз но кылъёсын вераськысал ке, озьы кылэн гинэ ӧвӧл, лулчеберетэн но матысьгес тодматскысал. Эн кышкалэ, шуг-секытъёслы эн сётске но ӵемгес кутӥськись кылын вераськон вылэ эн выже. Нылпи мукет кылын валэктон сётэ ке, ӝоже эн усе. Нуналлы быдэ пиналдэс анай кылызлы дышетондэс нокыӵе учыръёсы но эн дугдылэ.
Анай-атайёслы нылпиослэн кыккылоксы сярысь
Е.Ю. Протасова, доктор педагогических наук, доцент кафедры современных языков Университета г. Хельсинки; Н.М. Родина, кандидат психологических наук, ведущий научный сотрудник НИИ дошкольного образования им. А.В. Запорожца (г. Москва)
Чиньыос юртто чебер вераськыны
Кудрявцева Татьяна Витальевна, Кузёбай Герд нимо удмурт кун йӧскалык гимназилэн нылпи садысьтыз логопед Калашникова Анюта Николаевна, Кузёбай Герд нимо удмурт кун йӧскалык гимназилэн нылпи садысьтыз воспитатель
Нылпи садэ ветлӥсь пиналъёслэсь чиньыосын шудонъёс пыр вераськон быгатонлыкъёссэс азинтон
Кудрявцева Татьяна Витальевна, Кузёбай Герд нимо удмурт кун йӧскалык гимназилэн нылпи садысьтыз логопед Калашникова Анюта Николаевна, Кузёбай Герд нимо удмурт кун йӧскалык гимназилэн нылпи садысьтыз воспитатель
Кылэз волятыны юрттӥсь шудонъёс пиналлэсь мылкыдзэ ӝутэм сяна, сое ритмез валаны, выросъёсты но огъя координациез радъяны дышето. Огъя моторикалэн азинскеменыз ӵош пиналлэн саклыкез но йырсазезь азинтӥськозы.
Кылъёс нылпилэн улоназ
Ворожцова И.Б., педагогика тодосъёсъя доктор, профессор
Нылпилэн вордӥськемез бере анай-атайёслы кылдэм юанъёслы кенешъёсын юрттэт сёто туж трос ӧнерчиос: эмъясьёс, психологъёс, визьнодасьёс, дышетӥсьёс. Та статьяын валэктыны тыршемын, кызьы нылпи ассэ шӧдэ троскылъем дуннеын, кыӵе инты басьто кылъёс нылпилэн улоназ. Озьы ик чакламын куинь валтӥсь югдуръёс: семьяын одӥг кылын верасько, семьяын кык яке тросгес кылъёсын верасько, нылпиосты мукет кылъёсын вераськыны дышето.
Юрттэ-а мимика вераськыны?
Кудрявцева Татьяна Витальевна, Кузёбай Герд нимо удмурт кун йӧскалык гимназилэн нылпи садысьтыз логопед Калашникова Анюта Николаевна, Кузёбай Герд нимо удмурт кун йӧскалык гимназилэн нылпи садысьтыз воспитатель
Ма со мимика? Кызьы со герӟаськемын вераськонэн? Кулэ-а мимикаез азинтон бордын нимысьтыз ужаны? Дэмласькомы та сярысь ӵошен малпаськыны.
Тодосчиослэн эскеронъёссыя, мимика шонерак герӟаськемын луэ куараосты веранэн (артикуляциен). Пиналлэсь мимиказэ азинтон бордын ужаса, асьмеос солэсь куараосты веранын кутӥськись моторикаез азинтӥськомы, озьы ик пуш мылкыдзэ возьматыны дышетӥськомы. Озьыен, пиналлэсь мимика ласянь но артикуляция ласянь быгатонлыкъёссэ азинтонэн ӵош асьмеос дасяськомы сое анай кылыныз вольыт но чебер вераськыны. Уго куараез чебер но вольыт вераны быгатон понна, кужмоесь вераськон органъёс кулэ – кыл, ымдуръёс, бамгультыриос. Нош ымнырлэн быгытъёсыз бордын ужан куараосты шонер веран понна кулэ луись быгытъёслэсь кужымзэс азинтыны юрттэ...
Кызьы будэтоно кыккылолыко пиналэз? Психологлэн дэмланъёсыз
Екатерина Протасова, педагогика тодосъёсъя доктор (Хельсинки, Финляндия)
Наталья Родина, психологи тодосъёсъя кандидат ( Москва, Россия)
Александр Овчинников, вылӥ категориен логопед (Ингерманландской центр, Хельсинки)
Ма ласянь пайдаё луэ кык яке тросгес кылъёсты тодэм? Кӧня арескысен пиналлы куинетӥ кылэз дышетыны кутсконо? Кышкано-а будӥсь пиналлэн акцентэн вераськемезлэсь? Кызьы азинтӥське кыккыло пиналлэн пушдуннеез?
Та но та выллем мукет юанъёс сюлэмшугъяськыто котькудзэ анай-атаез, кудӥзлэн семьяяз кыккылолыко пинал будэ. Соослы валэктон шедьтыны дэмласькомы Екатерина Протасовалэн, Наталья Родиналэн но Александр Овчинниковлэн ужысьтызы.
Статья кутэмын: www.russisch-fuer-kinder.de
Анай-атайёслы кыккылолык сярысь
Волкова Татьяна, филологи тодосъёсъя кандидат
Асьме нылпиосмы кыкылолыко мерлыкын будо. Ӵемгес ӟуч кылын вераськыса но соос гуртын кыло ке удмурт кылэз, дышетско валаны сое. Покчиос уг вордӥсько "удмурт кыл - со кулэтэм" малпанэн, та малпанэз ми, бадӟымъёс, нылпиосмылы пыӵатӥськомы. Малы ке но кыккылолык сярысь трос пӧртэм умойтэм вераськонъёс, мифъёс, стереотипъёс, кышкыт веранъёс кылдо. Ма меда кыккылолыкын милем тужгес но кыштыт потэ? Ойдолэ чакласа потомы.
Чиньыос юртто чебер вераськыны
Кудрявцева Татьяна Витальевна, Кузёбай Герд нимо удмурт кун йӧскалык гимназилэн нылпи садысьтыз логопед Калашникова Анюта Николаевна, Кузёбай Герд нимо удмурт кун йӧскалык гимназилэн нылпи садысьтыз воспитатель
Кылгимнастика
Кудрявцева Татьяна Витальевна, Кузёбай Герд нимо удмурт кун йӧскалык гимназилэн нылпи садысьтыз логопед Калашникова Анюта Николаевна, Кузёбай Герд нимо удмурт кун йӧскалык гимназилэн нылпи садысьтыз воспитатель
Чиньыосмес выретӥм-азинтӥм, пыдъёсмес-киосмес кыдатӥм – дыр вуиз кылмылы но гимнастика лэсьтыны. Малы кулэ кылгимнастика? Кыл – со вераськон ёзвиослэн валтӥсь быгытсы. Куараосты чебер но вольыт веран понна, сое но кулэ азинтыны-кыдатыны. Та ласянь ик юрттэ кылгимнастика.
Дэмласькомы тӥледлы но пиналъёсыныды ӵош кылгимнастика лэсьтыны. Сое быдэстыса, пиналъёсты, кылзэс волятэм сяна, удмурт алфавитэн но тодматскозы.