БилингваБилингвизмъя удмурт центр

Николай Смирнов, Ижкарысь егит адями, удмурт нылпиос понна "Вукоез кырем" но " Крестьян но вумурт" мультфильмъёсты суредаз. Мультфильмъёс кылдытэмын удмурт калык выжыкылъёслэсь аудиогожтэмъёссэс уже кутыса. Текстъёсты А. Перевозчиков и А. Степанова лыдӟо.

"Удмурт нылкышно кенеш" флешмоб ортчытэ. Со сярысь ВК-ысь бамаз ивортӥз Евгения Лекомцева, мерлыко огазеяськонлэн правлениезлэн ёзчиез. Флешмобе пыриськон понна 5 минутъем видео гожтыны кулэ, кытын Тӥ нылпиостылы яке нунокъёстылы выжыкыл лыдӟиськоды. Гожтэм видеоез Вконтакте, Фейсбук яке Инстаграм вотэсбамын #маминысказки яке #анайвыжыкыл хештэген поттоно.

1-тӥ толсурозь келям видеоос пӧлысь устоез дуно кузьымен пусйемын луоз. Ойдолэ пыриськомы!

Калыкъёслэн Эшъяськон юртсы 25 шуркынмонэ мылкыд карисьёсты ӧте Эктон ӝытэ! . Ужрадэ лыктэмъёсты ӧтем куноос - "Чебеляй" студие ветлӥсь нылпиос - шулдыртозы.

Гажано анай-атайёс!

26-тӥ шуркынмонэ 2016-тӥ арын Калыкъёслэн Эшъяськон юртазы (Ижкар, Орджоникидзе урам, 33 а юрт) ортчоз Кыккылолыкъя семинар.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Кутскон дырыз: 11.00 часэ (регистрация – 10.30 часысен).

Семинарын нылпи садэ ветлӥсь но школаын дышетскись нылпиос понна радъямын луозы нимаз «Шудон корка» площадкаос, нош анай-атайёс быгатозы кыккылолыкъя ӧнерчиосын, логопедэн но нылпи психологен кенешыны.

Семинарын нылпиосты но анай-атайёсты тодматозы нылпиослы дасям телефонэ пуктӥськись «Чибори» ватсэтэн.

"Шундысиос" нылпи движение выль вожмаськон ялэ! Вожмаськонэ пыриськыны быгато "шундысиос". Со понна 3-5 минутъем видео дасяны кулэ, кытын песянай яке песятай мадё вашкала удмурт сям-йылолъёс сярысь, кырӟало яке возьмато кыӵе ке но вашкала арбериез. Дась видеоез пононо ВК-ысь "Шундысиос" группае #мультибабушка хэштэген 30 шуркынмонозь. Озьы ик гожтыны кулэ геройлэсь нимзэ-тулзэ но вожмаськонэ пыриськисьлэсь отделенизэ.