БилингваБилингвизмъя удмурт центр

"Билингвотека. Кылъёсты дышетон сярысь" ёзэтэ ватсамын "Шара лыдӟонъёс" методика сярысь эшшо одӥг видеоадӟытон, кудзэ лэсьтӥз семинар ужаку Владислав Степанов. Таяз видеоадӟытонын Лариса Широбокова-Монаконылпиослы буёлъёс сярысь выжыкыл лыдӟе. Ачиз Лариса Италиын улэ, кык кылын вераськись пиналъёсты ӟуч кыллы дышетэ, аслаз но пиналыз куинь кылын умой вераське. Туннэ нуналлы со билингвизмъя одӥгез устоез ӧнерчи луэ. Кыккылолыкъя семинарын со анай-атайёслы, нылпиослы возьматӥз кылэз волятонъя "Шара лыдӟонъёс" нимо методикаез.

«Удмуртия» книгапоттонниын тодмо удмурт кылбурчилэн В.Н. Ившинлэн «Асьме палась пойшуръёс» выль книгаез потӥз. Книгае нылпиослы гожтэм веросъёс но кылбуръёс пыртэмын, кудъёсыз удмурт палъёсын улӥсь пӧйшуръёслэн тодмато.

Удмуртиын нырысетӥез Выль ар кыз кылдоз 10-тӥ толсуре Шарканын, куке «Сказочные герои на родине Тол Бабая» V калыккуспо фестиваль кутскоз. Ӧтем куноос пӧлын — Карелиысь Паккайне, Татарстанысь Кыш Бабай, Костромаысь Снегурочка, Ямалысь Ямал Ири. Радъясьёс озьы ик возьмало Великий Устюгысь Дед Морозэз.

"Удмурт дунне" газетын ортчем семинар сярысь туж тунсыко статья печатламын. Солэн авторез - Елена Миннигараева - семинарлэн ужаз пичи нылыныз ӵош пыриськиз. Статьяе озьы ик пыртэмын семинаре пыриськем анайёслэн "БИЛИНГВА" сярысь мылкыдъёссы но малпанъёссы.

19 толсуре 2016 арын Ижкарысь Калыкъёслэн эшъяськон юртазы выльысь «Пичи Чеберайёс но Батыръёс» нылпи фестиваль ортчоз.

Фестивале 5-7 аресъем нылпиос пыриськыны быгатозы. Конкурсэ пыриськонлэн валтӥсь куронэз - нылпи удмурт кылын вераськыны быгатыны кулэ.

15 толсурозь Удмурт Элькунысь ёросъёсын но каръёсын фестивальлэн нырысетӥ этапез ортчоз. Ижкаре лыктозы тужгес яркыт чеберайёс но батыръёс.