БилингваБилингвизмъя удмурт центр

Анай кыллэн нуналэзлы сӥзьыса, Удмурт Элькунысь йӧскалык политикая министерство но нылпи кырӟанъя "Камали" студия удмурт нылпи кырӟанъёсын выль дискен тодматон ужрад ортчыто. Вань мылкыд карисьёсты покчи артистъёс возьмало 4 южтолэзе 13 часэ Калыкъёслэн Эшъяськон юртазы (Орджоникидзе ульча, 33а).

"Тодослыко шыкыс. Ӧнерчиос верало" ёзэтэ ватсамын "Кылъёс нылпилэн улоназ" статья. Солэн авторез - кыккылолыкъя тодмо ӧнерчи, педагогика тодосъёсъя доктор, Удмурт кун университетысь профессор И.Б. Ворожцова.

Элькунысьтымы "Удмурт нылкышно кенеш" огазеяськонлэн кичӧлтэмезъя Дэри ёросысь Хохряки чекогуртын нырысьсэ радъямын вал удмурт семьяос куспын «Удмуртлыко, удмурт кыло семья» нимо портфолиосын вожвылъяськон.

Ӧтиськом кыккылолыкъя кыкетӥ семинаре пыриськыны.

Семинар ортчоз 27-тӥ тулыспалэ 2016-тӥ арын Кузебай Герд нимо удмурт кун йӧскалык гимназиын (Ижкар, Петров урам, 19-тӥ юрт).

Кутскон дырыз - 11.00 часэ (регистрация кутскоз 10.30 часысен).

Семинарез радъясьёс:

• Удмурт Элькунысь йӧскалык политикая министерство

• Ивортодэтъя но дышетонъя «Этноресурс» центр

• «Билингва» кыккылолыкъя удмурт центр

• Кузебай Герд нимо удмурт кун йӧскалык гимназия.

21-тӥ тулыспалэ быдэс дунне пусъe Анай кыллэсь калыккуспо нуналзэ.Та нуналлы сӥзьыса, Калыкъёслэн Эшъяськон юртсы, Удмурт Элькунысь йӧскалык политикая министерстволэн но Удмурт Элькунысь дышетонъя но наукая министерстволэн юрттэмзыя, ортчытэ «Мон вераськисько анай кылын» нимо вожвылъяськон.