БилингваБилингвизмъя удмурт центр

"Тодослыко шыкыс. Нылпиослы" ёзэтэ ватсамын нылпиослэсь саклыксэс эскерись ужъёс. Ужъёсты дасяз Удмурт кун университетын 1-тӥ курсын дышетскись студентка Е.Г. Беспалова.

18-тӥ тулыспалэ 2016-тӥ арын 15.00 часэ Киров урамысь 17-тӥ юртын (Нылпиослэн лулчеберетъя юртсы) анай кыллэн нуналэзлы сӥзем Лулчебереткуа (Творческая гостиная) ортчоз.

Ужрадэз радъянлэн валтӥсь мугъёсыз – Удмурт Элькунамы улӥсь калыкъёслэн лулчеберетэнызы но кылъёсынызы тодматскон, ог-огеныд тупаса улон мылкыд пыӵатон.

"Билингвотека. Кылъёсты дышетон сярысь" ёзэтэ ватсамын педагогика тодосъёсъя докторлэн, Удмурт кун университетысь профессорлэн И.Б. Ворожцовалэн "Троскылъемлыко школаын анай кылэз дышетон: кунгожсьӧр опытысь" статьяез.

"Билингвотека. Билингвизм" ёзэтэ статья ватсамын Е.Ю. Протасовалэн но Е.А. Булатовалэн "Нылпиослэн кыккылолыксы" статьязы. Та ужын вераськон мынэ нылпиослэн кыккылолыксылэн пӧртэм вариантъёсыз сярысь. Кудӥз соос пӧлысь пайдаёгес луэ? Та юанлы ответ шедьтыны луоз статьяез лыдӟыса.

"Тодослыко шыкыс. Нылпиослы" ёзэтэ ватсамын Кузёбай Гердлэн но Виктор Туганаевлэн нылпиослы инкуазь сярысь тодон-валан сётӥсь веросъёс.