БилингваБилингвизмъя удмурт центр

"Тодослыко шыкыс. Ӧнерчиос верало" ёзэтэ ватсамын "Нылпи садэ ветлӥсь пиналъёслэсь чиньыосын шудонъёс пыр вераськон быгатонлыкъёссэс азинтон". Статья гожтэмын Кузебай Герд нимо удмурт кун йӧскалык гимназилэн нылпи садысьтыз ӧнерчиосын: логопедэн но нылпи психологен Т.В. Кудрявцеваен но воспитателен А.Н. Калашниковаен.

"Билингвотека. Удмурт кыл сярысь" ёзэтэ ватсамын Н.В. Кондратьевалэн "Удмурт кылысь буёлъёсты нимась кылъёс" статьяез.

Удмурт егитъёслэн «Шунды» мер огазеяськонзы, Удмурт Элькунысь дышетонъя но наукая министерстволэн юрттэмезъя, анай кылын гожъяськись егит веросчиос но кылбурчиос куспын покчи нылпиослы сӥзем чеберлыко произведениосты кылдытонъя ӵошатскон ялэ. Радъям ӵошатскон егит гожъяськисьёслы нылпи литература ӧрын азьлань вамыштыны инъет сётоз, покчиослы сӥзем произведениоссэс шараяны юрттоз. Соин валче узырмоз туала удмурт нылпи литература но.

"Тодослыко шыкыс. Нылпиослы" ёзэтэ ватсамын "Нылпиослы тодон-валан сётӥсь веросъёс" ёзэт. Та ёзэтын печатласькозы нылпиосты котырысь дуннеен тодматӥсь удмурт кылын веросъёс. Кылсярысь, али тӥ лыдӟыны быгатоды ини удмурт гожъяськисьлэсь но дышетӥсьлэсь Иван Степанович Михеевлэсь инкуазь сярысь веросъёссэ.

Выльдӥськиз «Тодослыко шыкыс. Урокъёслы юрттэт» ёзэт. Ватсамын С.В. Малининалэн, Л.Э. Хохряковалэн урокъёслы дасям конспектъёссы но Р.И. Резеновалэн азьло печатлам урокъёслы куинь презентациосыз.