Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Туганаев
"Тодослыко шыкыс. Нылпиослы" ёзэтэ ватсамын нылпиослы тодон-валан сётӥсь веросъёс

"Тодослыко шыкыс. Нылпиослы" ёзэтэ ватсамын Виктор Васильевич Туганаевлэн, биологи тодосъёсъя докторлэн, Удмурт кун университетысь профессорлэн писпуос но куакъёс сярысь нылпиослы гожтэм веросъёсыз, кудъёсыз "Коля тодэ 50 будэсэз, нош тон?" нимаз книгаен поттэмын вал.

Чимали
Выльдӥськиз "Тодослыко шыкыс. Нылпиослы" ёзэт

"Тодослыко шыкыс. Нылпиослы" ёзэтэ удмурт кылбурчилэн Надежда Серафимовна Лопатиналэн тунсыко литературной мадиськонъёсыз ватсамын. Солэн творчествоез висъяське кыккыло луэменыз. Котькуд книгаяз автор мадиськонъёс, йыртӥянъёс пыр нылпиосты удмурт кылъёсын тодматэ.

400px-Volkova-tatiana
Выльдӥськиз "Билингвотека. Кылъёсты дышетон сярысь" ёзэт

"Билингвотека. Кылъёсты дышетон сярысь" ёзэтэ ватсамын филологи тодосъёсъя кандидатлэн Т.Г. Волковалэн "Удмурт кылын вераськыны дышетыку кылъёсты шонер кутыны дышетон" статьяез. Татьяна Геннадьевна трос аръёс ӵоже удмурт кыллы дышетӥз пӧртэм арлыдо дышетскисьёсты. Статья гожтэмын дышетӥсьлэн ужан опытэз вылэ пыкъяськыса. Дэмлам ужын эскеремын, кызьы удмурт кылэз дышетыку нылпиослэсь кыл шыкыссэс узырмыты луоз.

пасха
"Ӟечбур!" нылпи газет конкурс ялэ

Туэ Быдӟыннал 1-тӥ куартолэзе пусйиське. «Ӟечбур!» газет но «Удмурт Кенеш» огазеяськон «Быдӟым Паска» конкурс яло.

Конкурс куинь номинациосъя ортчоз.

Конкурсэ ужъёсты келяно 25-тӥ оштолэзёзь.

Вормисьёс ӧтемын луозы Ижкарысь одӥгаз черке яке Эшъяськон юртэ.

Семинар2
"Билингва" кыккылолыкъя куинетӥ семинаре ӧте

Ӧтиськом тӥледыз кыккылолыкъя куинетӥ семинаре.

Семинар ортчоз 2-тӥ южтолэзе 2016-тӥ арын Кузебай Герд нимо удмурт кун йӧскалык гимназиын (Ижкар, Петров урам, 19-тӥ юрт).

Кутскон дырыз - 11.00 часэ (регистрация кутскоз 10.30 часысен).

Семинарез радъясьёс:

Удмурт Элькунысь йӧскалык политикая министерство

Ивортодэтъя но дышетонъя «Этноресурс» центр

«Билингва» кыккылолыкъя удмурт центр

Кузебай Герд нимо удмурт кун йӧскалык гимназия.

Семинаре пыриськыны ӧтиськомы удмурт кылын тунсыкъяськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Семинарын радъямын луоз кык интерактивной площадка. Огез чакламын нылпи садэ ветлӥсьёс понна, мукетыз – школаын дышетскисьёс понна. Нылпиослэн удмурт кылын поттэм шудонъёсын шудэмзы пыр анай-атайёс тодматскозы та шудонъёсты уже кутон методикаен.