Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

И куклы оживают
Ижысь Мунё театрын ужа «Мунёос улӟо» адӟытон

Ижысь Мунё театрын ужа «Мунёос улӟо» адӟытон. Таӵе выставкаез радъяз Удмуртиысь йӧскалык библиотека, Мунё театръёслэн калыккуспо нуналзылы сӥзьыса.

Ку но кызьы дунне вылын кылдӥллям мунёос, кыӵеесь соос но малы кулэ. Яке маин висъяське Япониысь шудон фин-угор мунёлэсь, кыӵе мунёоос лэсьто вылэм вашкала уйпал удмуртъёс, нош кыӵеоссэ утьыса возё лымшор удмуртъёс.

Адӟытон ужалоз 16-тӥ оштолэзёзь.

Мимика
"Тодослыко шыкыс. Ӧнерчиос верало" ёзэт узырмиз эшшо одӥг статьяен

"Тодослыко шыкыс. Ӧнерчиос верало" ёзэтэ ватсамын Кузебай Герд нимо удмурт кун йӧскалык гимназилэн нылпи садысьтыз ӧнерчиослэн - логопедлэн Т.В. Кудрявцевалэн но визьнодасьлэн А.Н. Калашниковалэн - выль ужзы, кудӥз таӵе юанъёслы ответ сётоз: Ма со мимика? Кызьы со герӟаськемын вераськонэн? Кулэ-а мимикаез азинтон бордын нимысьтыз ужаны?

"Юрттэ-а мимика вераськыны?" статьяын пыр-поч дэмланъёс сётэмын, кызьы анай-атайёс гуртын нылпиосын ӵош мимической гимнастика лэсьтыны быгатозы. Упражнениос валамонгес мед луозы шуыса, ватсамын суреданъя дышетӥсьлэн Н.В. Байсаровалэн тунсыко суредъёсыз.

Безенова
Выльдӥськиз "Билингвизм. Кыккылолык сярысь интервьюос" ёзэт

"Билингвизм. Кыккылолык сярысь интервьюос" ёзэтэ ватсамын Мария Безеноваен "Кылэз уже уд кутӥськы ке, со вунэ" интервью. Мария Безенова – егит тодосчи, филологи тодосъёсъя кандидат. Удмурт кун университетысь удмурт кылосбур факультетэз йылпумъяса, Россиысь Тодосъёсъя Академилэсь аспирантуразэ йылпумъяз. Тодослыко ужъёсыз герӟаськемын удмурт но мукет финн-угор кылъёсыз эскеронэн.

диктант
Бадӟым удмурт диктант

"Удмурт Элькунын улӥсьёс мылкыд каремъя удмурт кылын шонер гожъяськыны быгатэмзэс эскерыны быгатозы 16 оштолэзе.

Бадӟым удмурт диктант - ӟуч кылын гожъяськыны быгатэмез эскеронъя Тотальной диктантлэн удмурт версиез. Диктантлэн текстэз лыдӟемын луоз "Мынам Удмуртие" радио пыр, меӵак эфирын.

яндекс
Яндекс удмурт кылэ берыктыны быгатэ

«Яндекс» компанилэн пресс-службаезлэн ивортэмезъя, сервисэз уже кутыса удмурт кылъёсты но кыл сочетаниосты 67 кылэ берыктыны луэ.

Яндекс компания тау каре удмурт кылын корпус кылдытон бордын тыршисьёсты - Тимофей Архангельскийлы, Мария Медведевалы, «МУШ» но «Удмуртлык» огинъёслэн ёзчизылы Ольга Урасиновалы.