Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

неделя культуры1
Кутскиз удмурт лулчеберетлы сӥзем арня

Туннэ Калык творчествоя элькун коркаын удмурт лулчеберетлы сӥзем арня кутскиз. Та ужрад усьтӥськиз "Пӧртэм крезь" адӟытонэн, кудӥз 10-тӥ оштолэзёзь ужалоз. Арня ӵоже та арняез радъясьёс паймытозы пӧртэм тунсыко ужрадъёсын: мастер-классъёсын но "Дукес" фолк-группалэн творческой ӝытэныз. Ужрадъёсты радъясь - "Калык творчествоя элькун корка - Егитъёслэн юртсы".

семинар02
Кыккылолыкъя куинетӥ семинар пайдаё ортчиз

Туннэ Кузебай Герд нимо кун йӧскалык гимназиын кыккылолыкъя куинетӥ семинар ортчиз.

Семинарын радъямын вал кык интерактивной площадка. Огез чакламын вал нылпи садэ ветлӥсьёс понна, мукетыз – покчи школаын дышетскисьёс понна. Нылпиос но анай-атайёс мыло-кыдо шудӥзы пӧртэм шудонъёсын но соос пыр удмурт кылын кылшыкыссэс узырмытӥзы.

Семинарез радъясьёс:

Удмурт Элькунысь йӧскалык политикая министерство

Ивортодэтъя но дышетонъя «Этноресурс» центр

«Билингва» кыккылолыкъя удмурт центр

Кузебай Герд нимо удмурт кун йӧскалык гимназия

Туганаев
"Тодослыко шыкыс. Нылпиослы" ёзэтэ ватсамын нылпиослы тодон-валан сётӥсь веросъёс

"Тодослыко шыкыс. Нылпиослы" ёзэтэ ватсамын Виктор Васильевич Туганаевлэн, биологи тодосъёсъя докторлэн, Удмурт кун университетысь профессорлэн писпуос но куакъёс сярысь нылпиослы гожтэм веросъёсыз, кудъёсыз "Коля тодэ 50 будэсэз, нош тон?" нимаз книгаен поттэмын вал.