Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

шундысиос
"Шундысиос" ортчытӥзы "Ӟечлыко арня"

11 оштолэзьысен 27 оштолэзёзь "Шундысиос" удмурт нылпиослэн мерлыко движениязы пыриськись пиналъёс "Ӟечлыко арня" ортчытӥзы.

Котькуд ар "Шундысиос" тунсыко ужрадъёс ортчыто, кудъёсыз сӥземын Быдӟым ожын вормонлы – ожысь но ужысь ветеранъёслы юрттэт сётӥзы, соосын пумиськонъёсты ортчытӥзы, памятникъёсты но мемориалъёсты утялтӥзы но трос мукет ужъёс лэсьтӥзы.

Озьы ик таяз аре акция сӥземын вал Кинолэн арезлы, соин ик трос школаысь пиналъёс ӟуч но удмурт фильмъёсты учкизы.

фото с конференции 1
Кыккылолыкъя "Билингва" удмурт центрлэн презентациез ортчиз

Толон, 27 оштолэзе, Кузебай Герд нимо Удмурт кун йӧскалык гимназиын «Троскылъемлыко улосын анай кыллы дышетон» VIII Калыккуспо научно-практической конференцие пыриськись дышетӥсьёс, нылпи садъёсысь визьнодасьёс, тодосчиос, кивалтон ёзъёсын тыршисьёс но куноос понна ортчиз Кыккылолыкъя "Билингва" удмурт центрлэн презентациез.

Ужрадэ пыриськизы Россиысь (Удмуртия, Татарстан, Пермь улос, Кабардино-Балкария, Чечня), Финляндиысь, Венгриысь но Италисысь ӧнерчиос.

конференция
«Троскылъемлыко улосын анай кыллы дышетон» VIII Калыккуспо научно-практическая конференция

27–28-тӥ ожтолэзе Удмуртиын «Троскылъемлыко улосын анай кыллы дышетон» VIII Калыккуспо научно-практической конференция ортчоз.

Конференцилэн валтӥсь темаез – «Анай кылъя урок: кулэлыкез, туала ивортодэто мерлыкын интыез но аспӧртэмлыкез».

Ужрадлэн ужпумез – выль дышетон стандартлэн куронъёсызъя анай кылъя урокез дасян но ортчытон удысын тунсыко но пайдаё ужан амалъёсты шараян вӧлмытон.

Конференциез радъяло Дышетонэз азинтонъя институт, Дышетон удысысь ужпумъёсты тодон-эскеронъя институт, Кузебай Герд нимо Удмурт кун йӧскалык гимназия но Шаркан ёросысь Ляльшур шоръёзо школа.

Конференциын Кыккылолыкъя "Билингва" удмурт центрлы презентация радъямын луоз.

гуждор
"Гуждор нылпи празднике ӧте

4 инвожое Шаркан черкогуртысь Тол Бабайлэн улоннияз "Гуждор" улоскуспо нылпи праздник ортчоз.

Празднике вуэм нылпи фольклор коллективъёс удмуртъёслэсь тулыс но гужем сям-йылолъёссэс возьматозы. "Гуждоре" пыриськись нылпиослэн арлыдзы 8 аресысен 17 аресозь чакламын.

Р.А
Выльдӥськиз "Билингвотека. Кылъёсты дышетон сярысь" ёзэт

"Билингвотека. Кылъёсты дышетон сярысь" ёзэтэ ватсамын Роза Аркадьевна Кузнецовалэн, педагогика тодосъёсъя кандидатлэн, доцентлэн, ньыль ужъёсыз, кудъёсыз сӥземын нылпи садэ ветлӥсь нылпиосты удмурт но ӟуч кыллы дышетон ужпумъёслы. Статьяос тунсыко луозы нылпи садысь ӧнерчиослы но анай-атайёслы.