БилингваБилингвизмъя удмурт центр

"Билингвотека. Кылъёсты дышетон сярысь" ёзэтэ ватсамын кык статья. Соослэн авторъёссы - Ившина Н.В., Русских С.А., Балезино каркуртысь «Сказка» нылпи садысь визьнодасьёс но Широбокова Т.В., Михайлова Л.Г., Кузебай Герд нимо удмурт кун йӧскалык гимназилэн нылпи садысьтыз визьнодасьёс.

Удмурт кылъя электрон учебникъёс Россиын устоосыз пӧлы шедизы. 30-тӥ гудырикошконэ пресс-конференциын со сярысь ивортӥз Удмурт Элькунысь дышетонъя но тодосъя министрлэн воштӥсез Игорь Белозёров.

Солэн верамезъя, кӧня ке ар талэсь азьло удмурт кылын учебникъёсъя сюлмаськонъёс кылдытӥзы, соос асьме элькунын потылӥзы бере, Россиысь дышетонъя но тодосъя министерствоен ӵектэм пособиосын федерал списоке шедьыны уг быгато вал. Таяз арын лицензированиез йылпумъяны луиз.

"Билингвотека. Пайдаё чӧлскетъёс" ёзэтэ "Нылпиослы удмурт кылын шудонъёс, мультфильмъёс" рубрикае чӧлскетъёс ватсамын. Кылдытэмын выль рубрика - "Удмурт кылэз дышетыны кутскисьёслы".

Туэ тулыс егит гожъяськисьёс понна «Удмурт дунне» газет литературая «Ингож» студилэсь ужзэ радъяз. Кызьы пусъе проектлэн кичӧлтӥсез, куарусён толэзьысен студия выльысь ужзэ мытоз.

Литературая студия ужа "Удмурт дунне" газетлэн адресэзъя. 2012-тӥ арысен газет "ИнГОЖ" литературной спецномер поттэ, туэ сӥзьылысен татын литературной студие пыриськемъёслэн тужгес усто гожъямъёссы печатласькозы.

Ижкарын этнокультурной политикая лагерьлэн гужем сессиез ортчиз. Со Удмурт Элькунысь йӧскалык политикая но Дышетонъя но наукая министерствоослэн кичӧлтэмзыя анай кылъя дышетӥсьёслэн "Выжы" огазеяськонэн радъямын вал.

Ужрадэ пыриськизы Ижкарысь но Удмурт Элькунысь бадӟым классъёсысь дышетскисьёс но студентъёс.