Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Мимика
Выльдӥськиз "Тодослыко шыкыс. Ӧнерчиос верало" ёзэт

"Тодослыко шыкыс. Ӧнерчиос верало" ёзэтэ ватсамын "Кылгимнастика" статья. Сое дасязы Кузёбай Герд нимо удмурт кун йӧскалык гимназилэн нылпи садысьтыз ӧнерчиос: Кудрявцева Татьяна Витальевна (логопед) но Калашникова Анюта Николаевна (визьнодась). Дэмласькомы тӥледлы пиналъёсыныды ӵош кылгимнастика лэсьтыны. Сое быдэстыса, пиналъёсты, кылзэс кыдатэм-волятэм сяна, удмурт алфавитэн но тодматскозы.

Мон вераськисько
Удмурт кылъя курсъёс матысь дыре выльысь ужаны кутскозы

Удмурт кылэз дышетон курсъёс матысь дыре выльысь ужаны кутскозы. 2016-тӥ арлэн нырысетӥ палараз Удмурт Элькунын 17 площадка ужаз. Соос борды кыкетӥ паларын усьтӥськозы на Игра каргуртын, Якшур-Бодья но Грах черкогуртъёсын выль площадкаос.

книги
Удмуртиысь лыдӟиськонниос нылпи книгаосын узырмозы

Лыдӟиськонниосы нылпи книгаос басьтон понна Удмуртие федерал коньдэтысь 564 сюрс 777 манет вуиз. Со сярысь ивортэмын элькунысь лулчеберетъя но туризмъя министерстволэн нимлыко сайтаз.

Нылпиос но быдэ вуымтэос понна элькун лыдӟиськонни пыр кун ужъюртъёсы книгаос басьтозы.

Фондъёс дунневыл классика но туала нылпи литератураен оглом 4 сюрс экземплярлы узырмозы.

3 03
Выльдӥськиз "Билингвизм. Кыккылолык сярысь интервьюос" ёзэт

" Билингвизм. Кыккылолык сярысь интервьюос" ёзэтэ Ольга Игнатьеваен интервью ватсамын. Ольга вордӥськемын Алнаш ёросысь Кузёбай гуртын. Али улэ Германиын, Амберг карын. Интервьюын вераськон мынэ, кызьы пичи дырысен ик нылпиез трос кылын вераськыны дышетыны луоз.