Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Снимок
Удмурт нылпиослы «Чибори» мобильной ватсэтмы сярысь публикация потӥз

Майя Бывальцева, "Удмуртия" ивортодэтъя агентстволэн корреспондентэз, удмурт нылпиослы «Чибори» мобильной ватсэтмы сярысь публикацизэ печатлаз. Мобильной ватсэт кылдытэмын Кыккылолыкъя «Билингва» удмурт центрлэн но Ивортодэтъя но дышетонъя «Этноресурс» центрлэн кичӧлтэмзыя Удмуртиысь Йӧскалык политикая министерство юрттэмен. Уж быдэстэмын «Россиын улӥсь калыкъёслэсь кусыпъёссэс юнматон но лулчеберетсэс азинтон» нимысьтыз кун федерал программа улсын. "Чибориез" кылдытӥсьёс: программист - Григорий Григорьев, суредась - Екатерина Мензарипова, дизайнер - Вера Штыкова.

семинар vi
"Билингва"-лэн Кыккылолыкъя VI-тӥ семинарез пайдаё ортчиз

17 толсуре Калыкъёслэн Эшъяськон юртазы "Билингва"-лэн Кыккылолыкъя VI-тӥ семинарез туж пайдаё ортчиз. Семинарлэн темаез - "Анай кылын вераськись нылпилэсь быгатонлыкъёссэ азинтон".

Ужрадэ 35 нылпиос но 37 анай-атайёс но песянай-песятайёс, педагогъёс пыриськизы. Семинар шутэтскон нуналэ радъяськись школа форматэн ортчиз. Ньыль занятиосын нылпиос кылшыкыссэс узырмытӥзы, вераськон кылзэс волятӥзы, йырвизез сынась ужъёсты быдэсъязы, Выль арен ӟечкылан открыткаосты лэсьтӥзы, удмурт кылын кырӟан дышетӥзы но кырӟазы. Шутэтскон вакытэ анай-атайёсын но песянай-песятайёсын сӥльвирзэс кыдатӥзы но шонер шоканы дышетскизы.

Анай-атайёслэн но песянай-песятайёслэн семинарын И.Б. Ворожцоваен (кыкылолыкъя ӧнерчиен, педагогика тодосъёсъя докторен, профессорен) кенешыны луонлыксы вал.

Занятиос йылпумъяськем бере нылпиос доры Тол Бабай но Лымыныл вуизы но ваньмынызы ӵош эктӥзы, кырӟазы но шудӥзы. Шулдыръяськон вискын ваньзы покчиос Тол Бабайлы но Лымыныллы туж быгатыса анай кылын кылбур веразы, кырӟанъёс кырӟазы но эктӥзы, со понна котькудӥзлы кузьымъёс сётэмын вал.

костюм
Г.Д. Красильниковлэн музей-квартираез "Удмурт семья" туспуктэмъёсын вожвылъяськон ортчытэ

Выль ар азьын Г.Д. Красильниковлэн музей-квартираез "Удмурт семья" туспуктэмъёсын вожвылъяськон ортчытэ.

Вожвылъяськонэ пыриськон понна вуж туспуктэмъёс пӧлын бугыръяськоно но ӵыжы-выжыосыныды, одно ик вашкала удмурт костюмен, фотоез шедьтоно луоз.

Сыӵе фотоды ӧвӧл ке, быгатӥськоды удмурт шӧмъем туала дӥськутэз яке вашкалазэ дӥсяса выль туспуктэм лэсьтыны.

Вожвылъяськонын вормисез музей-квартира кузьымен пусъёз.

Юля Камали
«Мынам Удмуртие» телеканал покчиослы сӥзем «Пичи шоу» выль программае пыриськыны ӧте

«Мынам Удмуртие» телеканал покчиослы сӥзем «Пичи шоу» выль программае пыриськыны ӧте.

Валтӥсь куронъёс:

  • удмурт кылэз тодон;

  • 3-12 аресъем;

  • кырӟаны, кылбур гожъяны быгатон но мукет пӧртэм быгатонлыкъёстэс волятыны мылкыд карон.

Проектэ шедён понна гожъяно анкетаез но ыстоно сое 15-тӥ толшорозь «Мынам Удмуртие» телерадиокомпание pichioli@yandex.ru адресъя.