БилингваБилингвизмъя удмурт центр

8 толсуре 10 часэ Ижкарысь Калыкъёслэн Эшъяськон юртазы «Региональная и этнокультурная составляющая в содержании деятельности образовательных организаций» научно-практической конференция кутскоз.

Ужрадэ Элькун дышетон ужюртъёсысь дышетӥсьёс, музейёсысь ужасьёс, тодосчиос, педагогъёс но дышетон удысэн герӟаськем удысъёсысь ужасьёс пыриськозы.

Конференциез радъясьёс: Удмурт Элькунысь дышетонъя но наукая но йӧскалык политикая министерствоос, Дышетонэз азинтонъя институт, Историяя, кылъя но литературая Удмурт институт, Калыкъёслэн Эшъяськон юртсы.

Толон, 29-тӥ шуркынмонэ, Нылкышно кенеш Правленилэн ёзчиосыз потазы Пичи Пурга ёросэ но "Италмас" нылпи садын "Шудон корка" ортчытӥзы. Анайлэн нуналэзлы сӥззем ужрад туж шуныт ортчиз. Пумиськонын радъямын вал милям сайтэнымы но нылпиослы телефонэ пуктӥськись "Чибори" ватсэтэн тодматскон.

Мерлыко вотэсбамъёсысь нылпиослы дасям телефонэ пуктӥськись "Чибори" ватсэт сярысь нырысетӥ малпанъёсты шедьтыны луэ ини. Ми шумпотӥськомы нылпиослы "Билингвалэн" куремезъя лэсьтэм буянъёс кельшо шуыса.

"Чибори" пумысен тӥлесьтыд мылкыдъёстэс но малпанъёстэс #чибори #билингва хештэгъёсын мерлыко вотэсбамъёсын яке электрон почтае udmbilingva@yandex.ru возьмаськомы.

Гажано анайёс! Ваньдэсты ӟечкыласькомы Анайлэн нуналэныз! Сӥзиськомы тазалык, котькуд нуналды шунытэн но шудбурен мед пычылмоз, анай шудды котьку кужым мед сётоз!

Удмурт нылпиослы "Чибори" мобильной приложение кылдытэмын. Приложение Удмурт Элькунысь Йӧскалык политикая министерстволэн юрттэмезъя но Ивортодэтъя но дышетонъя «Этноресурс» центрлэн но БИЛИНГВА кыкылолыкъя удмурт центрлэн кичӧлтэмзыя кылдытэмын.

Суредась - Екатерина Мензарипова.

Дизайнер - Вера Штыкова.

Программист - Григорий Григорьев.

Научно-методической консультант - Татьяна Волкова.