Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

СЕМИНАР
Калыкъёслэн Эшъяськон юртазы билингвизмъя витетӥ семинар ортчиз

Туннэ, 26 шуркынмонэ, Калыкъёслэн Эшъяськон юртазы билингвизмъя витетӥ семинар ортчиз. Семинарын нылпи садэ ветлӥсь но покчи школаын дышетскись нылпиос понна радъямын вал «Шудон корка» площадка, кытын нылпиос анайёслы кузьым лэсьтӥзы, суредаськизы, кылбур дышетӥзы, нош анай-атайёс кыккылолыкъя ӧнерчиен И.Б. Ворожцоваен кенешизы-вераськизы но ужлэсь кылын герӟаськемзэ валаны тыршизы, чиньыен шудонъёсын но нылпиослы дасям телефонэ пуктӥськись «Чибори» ватсэтэн тодматскизы. Пумаз нылпиос ужрадэз радъясьёслэсь кузьымъёс басьтӥзы.

Вукоез кырем
Удмурт кылын выль мультфильм кылдытэмын

Николай Смирнов, Ижкарысь егит адями, удмурт нылпиос понна "Вукоез кырем" но " Крестьян но вумурт" мультфильмъёсты суредаз. Мультфильмъёс кылдытэмын удмурт калык выжыкылъёслэсь аудиогожтэмъёссэс уже кутыса. Текстъёсты А. Перевозчиков и А. Степанова лыдӟо.

pervaya-kniga-malysha-03
"Удмурт нылкышно кенеш" флешмоб ортчытэ

"Удмурт нылкышно кенеш" флешмоб ортчытэ. Со сярысь ВК-ысь бамаз ивортӥз Евгения Лекомцева, мерлыко огазеяськонлэн правлениезлэн ёзчиез. Флешмобе пыриськон понна 5 минутъем видео гожтыны кулэ, кытын Тӥ нылпиостылы яке нунокъёстылы выжыкыл лыдӟиськоды. Гожтэм видеоез Вконтакте, Фейсбук яке Инстаграм вотэсбамын #маминысказки яке #анайвыжыкыл хештэген поттоно.

1-тӥ толсурозь келям видеоос пӧлысь устоез дуно кузьымен пусйемын луоз. Ойдолэ пыриськомы!

Бинигва дети играют
БИЛИНГВА выльысь семинаре ӧте

Гажано анай-атайёс!

26-тӥ шуркынмонэ 2016-тӥ арын Калыкъёслэн Эшъяськон юртазы (Ижкар, Орджоникидзе урам, 33 а юрт) ортчоз Кыккылолыкъя семинар.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Кутскон дырыз: 11.00 часэ (регистрация – 10.30 часысен).

Семинарын нылпи садэ ветлӥсь но школаын дышетскись нылпиос понна радъямын луозы нимаз «Шудон корка» площадкаос, нош анай-атайёс быгатозы кыккылолыкъя ӧнерчиосын, логопедэн но нылпи психологен кенешыны.

Семинарын нылпиосты но анай-атайёсты тодматозы нылпиослы дасям телефонэ пуктӥськись «Чибори» ватсэтэн.