Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Выль арен!
Выль арен, эшъёс!

Гажано эшъёс! Выль арен тӥледыз ӟечыласькомы но шудбуро но байлыко улон семьяостылы сӥзиськомы! Возьмаськомы тӥледыз выльысь выль арын пайдаё пумиськонъёсамы!

шундысиос
"Шундысиос" нылпи движение выль вожмаськон ялӥз

Удмурт нылпиослэн "Шундысиос" движение пыриськись нылпиос пӧлын "Кылдэ нюлод!" Интернет-конкурс ялэмын. Вожвылъяськон 15 толсурысен 28 толсурозь кыстӥськоз. Конкурсэ пыриськон понна интернет вотэсэ интыяны кулэ Выль арлы сӥзем пӧрамъёсын туспуктэмъёсты. Фотоос бордын удмурт кылын рецептъёс гожтэмын луыны кулэ. Рецептъя пӧрано, пӧрам бордын отрядэн туспуктэм лэсьтыны кулэ. Туспуктэмъёсты #ческытмедкошкоз хештэген интыяно.

удмурт кыл
Покчи классъёслы удмурт кылын учебникъёс 2016-тӥ арын лицензи басьтӥзы

2016-тӥ арын покчи классъёслы удмурт кылын 13 учебникъёс эскеронъёсты но лицензированиез ортчизы. 26-тӥ толсуре со сярысь вераз элькунлэн тӧроез Александр Соловьёв.

«Йӧскалык школаослэсь учебникъёсын инъетсэс умоятонын вамыш луиз удмурт кылын учебникъёслы эскеронъёс ортчытыны коньдон висъян. Сое умоен ортчизы 1–4 классъёслы 13 учебникъёс. Та уж азьланьтэмын луоз», — пусйиз улосвыл кивалтӥсь.

Эскеронъёс кулэ вал учебникъёс федерал инлык мед басьтозы шуыса, соку соосъя дышетыны луэ.

Куартолэзе веразы вал, 2017-тӥ арысен удмурт кылын учебникъёсты 5–9 классъёслы поттозы шуыса.

Нялтас вераса, удмурт кылъя электрон учебникъёсты Россиын устоосыз пӧлы пыртӥзы.

Удмурт семья
"Удмурт семья" туспуктэмъёсын конкурслы йылпумъянъёс лэсьтэмын.

Туспуктэмъёсъя «Удмурт семья» конкурслы йылпумъянъёс лэсьтӥз Ижкарысь Геннадий Красильниковлэн музей-юртэз. Вормисе потӥз Марий Элысь Бадӟым Карлыган гуртысь Веста Андрееваен ыстэм туспуктэм, со 1904-тӥ арын лэсьтэмын.

выжы
"Шудон корка" удмурт нылпиосты Выль арез пумитаны ӧте

«Шудон коркаын» удмурт пиналъёсын Выль ар пумиталозы 22-тӥ толсуре Кузебай Герд нимо гимназилэн нылпи садаз (Петров нимо урам). Ужрад быдэсак удмурт кылын ортчоз.

«Вань ужрадмы ортчоз удмурт кылын. Ӧнерчиос юрттэмъя, кызэз чеберъяны удмурт шӧмо шудонъёс, Лымы ныл но Тол Бабай лэсьтом, Выль ар выжыкыл пуктом, кыз котырын удмурт сямен шудом, Тол Бабаез пумиталом. Дасялэ Тол Бабайлы вераны удмурт кылбур!», — вера Надежда Степанова, «Удмурт нылкышно кенеш» огазеяськонлэн кивалтӥсез.

Со дыре ик анай-атайёсын кенешозы, малы пиналъёслы Тол Бабайлы оскыны кулэ, малы солы гожтэтэз удмурт кылын гожтоно.

Ужрад ортчоз 22-тӥ толсуре 18 часын. Отчы Ижкарысь удмурт кылын вераськись 1 аресысен 7 аресозь вань пиналъёсты но анай-атайёссэс ӧтё.