Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Чибори удм
Удмурт нылпиослы чаклам «Шудком: дышетскиськом шудыса» ӵектос грант утӥз

Удмурт егитъёслэн «Шунды» огазеяськонзы Росси азьмуртлэн грантъёсъя фондысьтыз 2 миллион 874 сюрс 755 манет басьтоз. Удмурт нылпиослы чаклам «Шудком: дышетскиськом шудыса» ӵектос «Йӧскалык но вӧсьлык кусыпъёсты юнматон» ӧръя коньдон басьтоз.

Ӵектос сярысь вераз «Шундылэн» кивалтӥсез Алина Чернова:

«Кӧня ке блоклэсь со: луозы нылпиослы удмурт кылэз дышетон понна ӝӧквыл шудонъёс но «Андроид» вылын ужась мобильной телефонэ ватсэтъёс».

Солэн кылъёсызъя, телефонэ ватсэтъёс пӧртэм арлыдъем нылпиослы тупамон луозы шуыса чаклало, соосты кылдытыны команда вань ни. Нош шудонъёсты малпаны адямиосты люкано луоз на. Нырысь ик кулэяськонъёсты эскерозы.

Ку дась луозы шудонъёс но ватсэтъёс, али вераны уг луы на. Вожвылъяськонлэн куронъёсызъя ӵектосэз 2018-тӥ арысь толсурозь улонэ пыӵатыны кулэ.

Тодэ вайытом, удмурт кылын вераськись яке вераськыны дышетскись нылпиослы мобильной ватсэт азьвылгес но кылдытэмын ни вал. Кылем ар пумын сое «Билингва» удмурт центрлэн кичӧлтэмезъя лэсьтӥзы.

Калашникова А.Н
Мускоын "Вордскем кылъёсъя, ӟучез лыдэ басьтыса, вань Россиысь дышетисьёслэн мастер-классы" вожвылъяськон ортчиз

Мускоын 15-тӥ шуркынмонысен 18-тӥ шуркынмонозь "Вордскем кылъёсъя, ӟучез лыдэ басьтыса, вань Россиысь дышетисьёслэн мастер-классы" вожвылъяськонлэн очной этапез ортчиз.

Удмурт Элькунлэсь данзэ таяз учыре утизы Анюта Николаевна Калашникова, Кузебай Герд нимо удмурт кун йӧскалык гимназилэн нылпи садысьтыз визьнодась, но Светлана Петровна Хлебова, Сьӧлта ёросысь Выль Монья шоръёзо школаысь удмурт кылъя но литературая дышетӥсь.

А.Н. Калашникова вожвылъяськонлэн "Анай кылэн тунсыкъяськонэз будэтон понна" номинациын вормисе потӥз, нош С.П. Хлебова "Дышетӥсь-мастер" номинациын вормиз.

Асьме проектмылэсь бадӟым эшсэ но юрттӥсьсэ А.Н. Калашниковаез вормонэныз ӟечкыласькомы но выль вормонъёс сӥзиськомы!

Проект
"БИЛИНГВА" проект Президентлэн фондысьтысь грант басьтон вылысь вожвылъяськонын вормисез луиз!

"БИЛИНГВА" проект 79,75 балл бичаса Президентлэн фондысьтысь грант басьтон вылысь вожвылъяськонын вормисез луиз!

Конкурсэ проект келямын вал "Вань удмуртъёслэн "Удмурт Кенеш" улоскуспо мерлыко огазеяськонэныз. Проект огазеялоз кык али ужась проектъёсты, кудъёсыз толсуре йылпумъяськыны кулэ: Кыккылолыкъя "Билингва" удмурт центр (Удмурт Элькунысь йӧскалык политикая министерство) но Кык кылэз тодӥсь нылпиослы "Нуныкай" центр (Удмурт Кенеш). Та кык проектъёслэн цельёссы ог-огзылы матын луо.

Проект Президентлэн фондысьтысь грант басьтэм сяна Удмурт Элькунысь йӧскалык политикая министерстволэсь но юрттэтсэ кутоз.

вк
«ВОРДСКЕМ КЫЛ» табере «ВКонтактеын»

Дышетӥсьёс но визьнодасьёс понна умой ивор вань. «ВОРДСКЕМ КЫЛ» научно-методической журналлэн табере «ВКонтакте» мерлыко вотэсбамын аслаз бамыз вань. Со сярысь журналлэн валтӥсь редакторез П.Н. Баженов аслаз бамаз ивортӥз.

ӟечбур
«Ӟечбур!» газет «Улэм-вылэм Ӵуж пуны…» творческой вожвылъяськонэз ортчытэ

«Ӟечбур!» газет «Улэм-вылэм Ӵуж пуны…» творческой вожвылъяськонэз ортчытэ.

Конкурсэ пыриськисьёслы одно ик:

  • нимтулзэс но улон интызэс гожтоно,

  • школазэс но кыӵе классын дышетскемзэс ивортоно,

  • келяно асьсэ киынызы быдэстэм суред, кытын возьматэмын луоз пунызы,

  • суред улэ малпам чуръёс гожтоно (кылбур, верос, мадиськон, басня но мукет),

  • социальной сетьёс пыр (ВКонтакте https://vk.com/zechbur_gazet , Одноклассники https://ok.ru, Фэйсбук https://www.facebook.com, Инстаграм) газетэнымы эшъяськоно.

Ужъёстэс келяно, «Улэм-вылэм Ӵуж пуны…» конкурсэ» пусйыса, электрон почта пыр zechbur@mail.ru адресъя.

Вожмаськон 31-тӥ толсурозь кыстӥськоз.