БилингваБилингвизмъя удмурт центр

БИЛИНГВА 4-тӥ южтолэзе 2017-тӥ арын Калыкъёслэн Эшъяськон юртазы (Ижкар, Орджоникидзе урам, 33 а юрт) Анай кылъёслэн калыккуспо нуналзылы но Нылкышноослэн калыккуспо нуналзылы сӥзем Кыккылолыкъя VII семинаре пыриськыны ӧте.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Кутскон дырыз: 11.00 часэ (регистрация – 10.30 часысен).

Кыстӥськемез 1,5 ‒ 2 час ӵоже (дэмласькомы пиналъёстылы воштон пыдкутчан кутыны).

Семинарез радъясьёс: «Билингва» кыккылолыкъя удмурт центр

Анай кыллы дышетӥсьёслэн «Выжы» Ассоциацизы

«Калыкъёслэн Эшъяськон юртсы» Удмурт Элькунысь коньдэтэн возиськись ужъюрт

Удмурт Элькунысь йӧскалык политикая министерстволэн юрттэмезъя.

21-тӥ тулыспалэ быдэс дунне пусъе Анай кыллэсь нуналзэ. Туннэ www.tangyra.ru сайтын удмурт кылэз дышетыны кутскисьёс понна онлайн-курсъёсы регистрация кутскиз. Видеокурс кылдытэмын М.А. Самаровалэн и О.Б. Стрелковалэн «Лабыр-лабыр-лабыртом!» книгазыя.

Онлайн курсъёсты нуоз Стрелкова Ольга Борисовна, Удмурт кун университетысь доцент, филологи тодосъёсъя кандидат.

Анай кыллэн калыккуспо нуналэз азьын иворъёсъя «Удмуртия» агентствоысь журналист Анжелика Петрова Ижкарын улӥсь но нылпиоссэс удмурт кыллы дышетӥсь анай-атайёслэсь юалляськиз но тунсыко учыръёссы, шуг-секытъёссы, малпанъёссы сярысь тодӥз. Вераськонлэсь пуштроссэ тодыны луоз "Анай кылэз дышетон: Ижкарысь удмурт анайёслэн амалъёссы но малпанъёссы" статьяысь.

Анай-атайёслэн "Пельысь пеле, ымысь ыме" пумиськонзы сярысь Дарали Лелилэн статьяысьтыз "Удмурт дунне" газетлэн 9 тулыспалэ потэм выль номераз лыдӟе. Тодады вайытӥськомы, 6-тӥ тулыспалэ Ижкарысь проектъёсъя «Лифт» штабын ортчиз удмурт анай-атайёслэн «Пельысь пеле, ымысь ыме» пумиськонзы. Таӵе пумиськонъёсты радъян сярысь малпанъёс "БИЛИНГВА"ен радъям семинаръёсын вордӥськизы но улонэ пыӵаны кутскизы удмурт анайёслэн (Оксана Крылова, Елена Ильина, Ольга Бикузина) тыршеменызы.

Ижкарын "ЛИФТ"ын "Ымысь ыме, пельысь пеле" нырысетӥ шара пумиськон ортчиз.

Татчы пыриськыны быгато удмуртлыкез семьяосазы возьыны тыршись анай-атайёс но соослэн нылпиоссы.

Таӵе пумиськонъёс огазеяло семинар выллем дышетон люкетэз но пиналъёсын дэмен шудонэз но.

Та пумиськонъёс Ижкарын удмурт кылын вераськыны эшшо одӥг луонлык сёто.

Со сыӵе удмурт инты, кытын луоз анай-атайёслэсь но нылпиослэсь тунсыкъяскон удыссэс шараяны, котькудӥз быгатоз мастер-класс возьматыны яке огшоры тунсыко ӝыт ортчыны.