Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Россия глазами детей
Удмурт Элькунын "Россия нылпи синмын" конкурс ортчоз

2 куартолэзе Ижкарысь Калыкъёслэн Эшъяськон юртазы "Россия нылпи синмын" ("Россия глазами детей") XII Элькун творческой конкурс ортчоз. Конкурслэн целез: Удмурт Элькунысь творческой нылпиосты но егитъёсты шедьтон но соослы азьланяз юрттэт сётон.

Меми дор сяськаос
"Меми дор сяськаос»

Туннэ Ува ёросысь Петровской (Петропавлово) гуртысь клубын «Меми дор сяськаос» ёроскуспо семинар ортчиз. Отын инкуазез но удмурт кылэз утён ужпумъёс ӝутэмын вал.

Семинар радъямын вал «Удмурт нылкышно кенеш» огазеяськонлэн Ува ёросысь ёзэтэзлэн кичӧлтэмезъя «Меми дор сяськаос» фестиваль улсын. Ужрадэ пыриськизы биологи тодосъя доктор, профессор Виктор Туганаев, элькунысь «Удмурт нылкышно кенешлэн» правлениезлэн ёзчиосыз, Сюмси, Ува, Вавож, Сьӧлта, Можга ёросъёслэн делегациоссы.

Надежда Степановалэн верамезъя, «Меми дор сяськаос» фестиваль улсын семинаръёс сяна, интернет-конкурс но ортчытыны чакламын.

VIII семинар
Калыкъёслэн Эшъяськон юртазы Кыккылолыкъя VIII семинар ортчиз

23-тӥ оштолэзе 2017-тӥ арын Калыкъёслэн Эшъяськон юртазы Кыккылолыкъя VIII семинар радъямын вал.

Семинарлэн нылпиослы чаклам люкетэз шутэтскон нуналэ радъям школа форматэн ортчиз. 1,5 аресыен 4 аресозь но 5 аресысен нылпиос нимаз группаосы люкемын вал. Соос понна удмурт кылын математика, киужен вырон но кылэз волятон урокъёс чакламын вал. Дышетскон вискын нылпиос шудӥзы. Анай-атайёс мылкыд каремзыя кыккылолыкъя ӧнерчиен но нылпи психологен кенешыны быгатӥзы.

Семинарын ик экспериментэз радъян сярысь вераськон мынӥз. Экспериментально-исследовательской ужлэн целез - семья пушкысь удмурт кылын вераськонэз эскерон.Экспериментлэн научной кивалтӥсез Ирина Борисовна Ворожцова, педагогика тодосъёсъя доктор, профессор, кыккылолыкъя ӧнерчи, луэ.

семинар
23 оштолэзе Кыккылолыкъя VIII семинар ортчоз

Гажано анай-атайёс!

23-тӥ оштолэзе 2017-тӥ арын Калыкъёслэн Эшъяськон юртазы (Ижкар, Орджоникидзе урам, 33 а юрт) ортчоз Кыккылолыкъя VIII семинар. Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Кутскон дырыз: 12.00 часэ (регистрация – 11.30 часысен).

Кыстӥськемез: 1,5‒2 час ӵоже (дэмласькомы пиналъёстылы воштон пыдкутчан кутыны).

Семинарез радъясьёс:

«Билингва» кыккылолыкъя удмурт центр

«Калыкъёслэн Эшъяськон юртсы» Удмурт Элькунысь коньдэтэн возиськись ужъюрт

Удмурт Элькунысь йӧскалык политикая министерстволэн юрттэмезъя.

Нылпиос понна занятиос чакламын, нош анай-атайёс понна кенешон площадка радъямын луоз (радъясез - кыккыллыкъя ӧнерчи Ворожцова Ирина Борисовна).