БилингваБилингвизмъя удмурт центр

6 инвожо – Ӟуч кыллэн нуналыз. Та праздник пусйиське быдӟым ӟуч гожъяськисьлэн А. С. Пушкинлэн вордскем нуналаз. Александр Пушкинлэн кылбуретысьтыз нырысетӥосыз пӧлысь удмурт кылэ берыктэм уж – «Цыганы» поэмаысьтыз люкет. Со печатламын 1867-тӥ арын «Папа» нимын священниклэн, гожъяськисьлэн, тодосчилэн Николай Блиновлэн «Лыдзонъ» книгаяз.

Удмуртлыкез возись анай-атайёс нылпиоссылы праздник радъязы. Туннэ "Мугур" студиын удмурт кылын вераськись анайёс но соослэн нылпиоссы нош ик пумиськон ортчытӥзы. Котьку сямен ик нылпиос понна удмурт кылын мастер-класс радъямын вал. Туннэ пичиос горд сюйлэсь тылобурдоосты но лудкечъёсты лэсьтӥзы. Озьы ик пумиськонын нылпиос чиньы мунёоосын шудӥзы, кылбур дышетӥзы.