Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

автогородок
Удмуртлыкез возись анай-атайёслэн клубзы нош ик пумиськон радъя

Удмуртлыкез возись анай-атайёслэн клубзы 29 инвожое 18 часэ 45 минутэ Кузебай Герд нимо йӧскалык кун гимназилэн азбараз возьма. Таиз пумиськонмылэн темаез "Кызьы пыдын ветлӥсь но машинаен ворттылӥсь сюрес вылын ассэ возьыны кулэ".

Пумиськонын нылпиосты сюресэз шонер выжыны дышетомы. Занятие автогородокын ортчоз. Тау бадӟым Анжелика Семёновна Михеевалы, Кузебай Герд нимо йӧскалык кун гимназилэн директорезлы, та ужрадэз гимназилэн автогородоказ ортчытыны соглаш кариськемез понна.

Одно ик пуйиськыны кулэ! Ужрадэ пырон понна заявкаез udmbilingva@yandex.ru электрон почтае келяны луоз 28 инвожоозь. Заявкаын гожтоно нылпилэсь нимзэ но арлыдзэ, анайлэсь яке атайлэсь нимзэ но телефон номерзэ.

квест1
Удмурт нылпиос понна "Нюлэсмуртлэн сюресэз" квест радъямын вал

Удмуртлыкез возись анай-атайёслэн клубзы нош ик пумиськон радъяз. Ортчиз со 21 инвожое, вирнуналэ, 18. 30 Киров нимо паркын. Таяз учыре Наталья Шулакова (Образцова) ӧтчаськиз.

Удмурт нылпиос понна "Нюлэсмуртлэн сюресэз" квест радъямын вал. Пумиськонамы 18 удмурт кылын вераськись яке удмурт кылэз валась нылпиос но соослэн анай-атайёссы вуизы.

вунонтэм гужем
"Вунонтэм гужем" конкурс

Удмурт кылын потӥсь "Ӟечбур" нылпи газета «ВУНОНТЭМ ГУЖЕМ» конкурс ялэ.

Та вожвылъяськон арлы быдэ радъяське.

Газетлэн бамъёсаз тӥ быгатӥськоды вераны, кин кытчы ветлӥз, ма тунсыкозэ адӟиз, кинэн пумиськылэмез вунонтэм кылиз. Редакциын ужасьёс туспуктэмъёстэс, суредъёстэс но гожтэмъёстэс чидатэк возьмало.

Лудорвай
Удмуртлыкез возись анай-атайёслэн клубзы нош ик ӧтчаське

Удмуртлыкез возись анай-атайёслэн клубзы нош ик ӧтчаське. Пумиськонэз таяз учыре радъя Наталья Шулакова (Образцова). Со дася туж тунсыко шудон-путешествиез. Пумиськонамы удмурт кылын вераськись яке удмурт кылэз валась нылпиосты (3 аресысен) но соослэсь анай-атайёссэс ӧтиськомы. Зорлэсь эн кышкалэ. Та учырлы но чакламын дырез ортчытон программа. Возьмаськомы 21 инвожое, вирнуналэ, 18 часлы 30 минутлы Киров нимо паркын.

шудкар
"Шудкар" лагерь возьма тонэ!

«Шундысиос» удмурт элькун нылпи движение "Шудкар" профильной лагерной сменаез ортчытон сярысь ялэ.

Лагере пыриськыны быгато 7-11 классъёсын дышетскись нылпиос, кудъёсыз удмурт кылэз дышето яке дышетыны мылкыд каро.

Смена 3-тӥ пӧсьтолэзьысен 7-тӥ пӧсьтолэзёзь радъямын луоз Завьяловоысь шор ёзо школалэн интернатаз.

Лагере пыриськон понна 24-тӥ инвожоозь заявкаез shundysios@yandex.ru электрон адресъя келяны кулэ.