Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

выль
«Выль» — Можгаын выль урожайлэн шулдыръяськонэз

5-тӥ гудырикошконэ Можгаын Сюга шур дурын (профилакторий «Свет») йӧскалык удмурт праздник «Выль» ортчоз.

Праздник ортче удмурт калыклэн традициосты но культураез азинскон но утён, но егитъёслэн йоскалык историлы герзаськон понна.

Шулдыръяськон интыын лэсьтэмын луоз пичи Выльгурт. Солэн урамъёсаз ортчоз ярмарка (вузалозы йӧл, сӥль, емыш, чечы, чорыг, нянь) но портэм мастер-классъёс.

Нылпиослы "Кӧжыпогъёс" площадка радъямын луоз. Ужалоз 11.00 часысен 13.00 часозь.

Ходырев
"Нылпиос Герман Ходыревез лыдӟо" конкурс

«Лыдӟиськы, Ижевск!» фестивалез ортчытон улысын "Нылпиос Герман Ходыревез лыдӟо" конкурс ялэмын.

Конкурслэн цельёсыз:

  • Герман Ходыревлэсь творчествозэ вӧлмытон, нылпиослы удмурт литератураен тунсыкъяськонэз пыӵатон;

  • нылпиосты книгаез лыдӟон но библиотекае ветлон борды кыскон;

  • нылпиос пӧлысь быгатонлыко нылпиосты висъян но быгатолыксэс азинтыны юрттон, творчествоен вырыны мылкыдэз пуромытон.

Конкурс 4 аресысен 12 аресозь нылпиос пӧлын радъяське.

Конкурсэ пыриськон понна видеоадӟытон, кытын нылпи Герман Ходыревлэсь кылбурзэ лыдӟе, гожтыны но заявкаен ӵош оргкомитетэ келяны кулэ.

Конкурс 15 инвожоысен 21 гудырикошконозь кыстӥське.

Конкурсэз М. Горький нимо библиотека Удмурт Элькунысь йӧскалык политикая министерстволэн юрттэмененыз радъя.

эру
«ЭРУ» — быдэ вуонлы сӥзем сям-йылол

28-тӥ пӧсьтолэзе командаос пӧртэм ӵошатсконъёсын асьсэдыс возьматыны быгатозы.

«ЭРУ» ортче удмурт калыклэсь вашкала сям-йылолъёссэ улзытон но соосты туала улонэ пычатон вылысь.

Ужрадлэн программаяз — тодматскон, квест-шудон, ӟусэз-скамьяез буянъя «Ми татын вал» арт-проект . Озьы ик луоз конкурс «Кык дыдыкъёс», кытын быръёзы тужгес усто кузъёсты.

«ЭРУ» ужрадэ быгато пыриськыны 14-18 аресъем егитъёслэн командаоссы — 4 нылъёс но 4 пиос.

Ужрадэз ортчыто: Удмурт егитъёслэн мерлыко "ШУНДЫ" огазеяськонзы, «Заречно-Вишурское» муниципал кылдытэт Калыкъёслэн Эшъяськон юртсы юрттэмен.

Лагерь
«Сальядор» агроусадьбаын удмурт кыллы сӥзем 2-тӥез фестиваль ортчоз

23-30-тӥ пӧсьтолэзе «Сальядор» агроусадьбаын удмурт кыллы сӥзем 2-тӥез фестиваль ортчоз.

Удмурт кыл, лулчеберет, сям-йылолъёс — лекциос, котырес ӝӧк сьӧрын вераськонъёс, тренингъёс пыр. Фестиваль радъяське пӧртэм арлыдо адямиос понна.

Фестивальлэн ужаз пыриськыны мылкыд карисьёслы занятиосты Удмуртиысь тодмо дышетӥсьёс нуозы, дискуссиосы ӧтем экспертъёс пыриськозы, пӧртэм амалъёсын быдэстэм арбериосты лэсьтыны усто кибашлыос юрттозы. Со сяна чакламын спорт ужрадъёс, шур дурын шутэтскон, экскурсиос, походъёс.

«Сальядор» агроусадьба ӵектэ кык яке трос интыен комнатаосын улыны, 3 пол нуналаз сиськыны.

Мама Пицца1
Удмуртлыкез возись анай-атайёслэн клубазы нош ик тунсыко пумиськон ортчиз

Тросэз Удмуртлыкез возись анай-атайёслэн клубазы пыриськись анай-атайёс но нылпиос Ижкарысь гужемлы кошкемын ке но, туннэ милям Римысь куноенымы пумиськонмы туж шуныт ортчиз. 18 часысен 20 часозь 30 минутозь "МАМА ПИЦЦА кафеын (Советской ульча, 15-тӥ юрт) кыстӥськиз кыккылолыкъя ӧнерчиен, философи тодосъя докторен, «Русское слово» школаысь ӟуч кылъя дышетӥсен, куинь кылъем Кристианэз будэтӥсь анайен - Лариса Широбокова-Монакоен - вераськонмы.

Кыӵе гинэ юанъёсъя ми ӧм кенеше-вераське, малпаськимы, йырвизьмес сынамы, клубын ортчытъяно выль ужрадъёсмы сярысь кенешимы, туж трос тунсыко идеяос йыръёсамы вордӥськизы. Юнме уг шуо, вылэм: "Одӥг йыр - умой, нош кык - эшшо но умойгес!"