БилингваБилингвизмъя удмурт центр

«Лудорвай» музей-заповедникын шаермылэсь инкуазьзэ эскеронъя сюрес ужа. Каръёсын улӥсь нылпиослы со уката но тунсыко. Умой тодыны, макем асьме инкуазьмы чебер но узыр.

Та сюрес сярысь «Лудорвай» музей-заповедникысь валтӥсь ӧнерчи Елена Келарева вера:

«Инкуазьмылэн али туж шулдыр вакытыз – со али гинэ сайказ, омырын ческыт зын вӧлске. Мон малпасько, карын улӥсь нылпиос, гуртын улӥсьёсыныз ӵошатыса, таӵе чеберез уг адӟо. Соослы тунсыко луоз та сюрестӥ ортчыны – матысьгес тодматскыны котькуд будосэн, учкыны будись писпуосын, валаны соослэсь аспӧртэмлыкзэс, тодыны арлыдзэс. Сюресмы кызьпу арамаысен кутске, собере со нуэ ошмес доры. Отын пиналъёс эскерон уже пыриськозы».

Шаермылэсь инкуазьзэ эскеронъя сюрес «Лудорвай» музейлэн одӥгез интерактивной экскурсиез луэ. Кыстӥськоз со 30 куарусён толэзёзь.

Каръёсын улӥсь удмурт семьяослы анай кылзэс утён секыт сётӥське.

Югдурез тупатон вылысь Вань удмуртъёслэн «Удмурт Кенеш» огазеяськонзы «Нуныкай» проектэз кылдытӥз.

Кык кылэз тодӥсь нылъёс но пиос пӧртэм шудонъёс но киужен вырон улсын удмурт кылын вераськыны быгатэмзэс волятозы, кыл тӥрлыксэс узырмытозы. «Нуныкай» проект Ижкар администрацилэн проектъёсъя конкурсаз вормисе потӥз.

Выль ӵектос каръёсын удмурт кылэз утёнлы но азинтонлы сӥземын.

Котькуд пумиськон-дышетскон люкаськем пиналъёслэсь арлыдзэс лыдэ басьтыса радъяськоз. 2-ысен 4 аресозь но 5-ысен 9 аресозь пиналъёс пӧртэм группаосын ужалозы.

Кык кылэз тодӥсь нылпиослэсь ваньмон дырзэс радъянъя огъет ӧсъёссэ усьтоз 9-тӥ куарусён толэзе, «Сёма» центр улсын. Со интыяськемын Ижкарын, Карл Маркс нимо урамысь 395-тӥ юртын. Пумиськонъёс ортчылозы котькуд кӧснуналэ 11 часысен.

Арня нуналэ ӧсъессэ «Шундыкар» лагерь усьтӥз. Туэ пиналъёс дышетскозы но быгатонлыксэс волятозы Ижкар вӧзысь «Елочка» инъетын.

Лагерьлэн валтӥсь ужпумез – усточи нылпиослэсь быгатонлыкъессэс волятон но усьтон.

Туэ «Шундыкарлы» 25 ар тырме, ӵапак та юбилейлы сӥземын луоз быдэс смена. Пиналъёсын ас удысазы зэмос ӧнерчиос ужалозы, нуналлы быдэ дышетсконъёс нуозы. Котькуд ӧръя нылпиослы трос тодон-валанъёс сётӥсько. «Шунды» огазеяськонлэн кивалтӥсезлэн А. Черновалэн верамезъя, 9 нунал куспын нылпиослэн пӧртэм ӧръесъя дышетскыны луонлыксы кылдоз, йылпумъян лэсьтӥськоз берпуметӥ нуналаз.

Каръёсын улӥсь удмурт семьяослы анай кылзэс утён секыт сётӥське. Пиналъёс понна пумиськонъёс, кытын соос быгато ваче тодматскыса удмурт кылын вераськыны, туж ӧжыт. Туннэ кыккылолыкъя Билингва центр но «Анай клуб» огазеяськон гинэ пумиськонъёс радъя.

Югдурез тупатон вылысь Вань удмуртъёслэн «Удмурт Кенеш» огазеяськонзы «Нуныкай» площадка кылдытон бордын уж нуэ. Кык кылэз тодӥсь нылъёс но пиос пӧртэм шудонъёс но киужен вырон улсын удмурт кылын вераськыны быгатэмзэс волятозы, кыл тӥрлыксэс узырмытозы. "Нуныкай" проект Ижкар администрацилэн проектъёсъя конкурсаз вормисе потӥз.

Выль ӵектос каръёсын удмурт кылэз утёнлы но азинтонлы сӥземын. Котькуд пумиськон-дышетскон люкаськем пиналъёслэсь арлыдзэс лыдэ басьтыса радъяськоз.

«Нуныкай»-лэн нырысетӥ пумиськонэз ортчоз 26-тӥ гудырикошконэ, Ижкарысь Кызьпу Арамаын 11 часысен. Отысен ик дышетӥсьёсын тодматскон луоз.

Кык кылэз тодӥсь нылпиослэсь ваньмон дырзэс радъянъя огъет ӧсъёссэ усьтоз 9-тӥ куарусён толэзе, «Сёма» центр улсын. Со интыяськемын Ижкарын, Карл Маркс нимо урамысь 395-тӥ юртын. Пумиськонъёс ортчылозы котькуд кӧснуналэ 11 часысен. Ӵектос ужалоз ар пумозь.

13-тӥ гудырикошконэ "Лудорвай" музей-заповедникын «ГуртFEST» фестиваль ортчоз. Фестивальын вуколэсь юбилейзэ пусъёзы, 10 площадкаос но йӧскалык азбаръёс ужалозы.

Праздник дыръя спортъя вожвылъяськонъёсы, пӧртэм мастер-классъёсы пыриськыны, вузкарон интыостӥ ортчыны, Удмуртиысь, Башкириысь, Москваысь, Санкт-Петербургысь, Ханты-Манси автоном округысь но Эстониысь коллективъёслэсь возьматонъёссэс учкыны луоз. Куноосты пӧртэм калыкъёслэн эктонъёсынызы, кырӟанъёсынызы но дӥськутэнызы тодматозы.

13-тӥ гудырикошконэ «Лудорвайын» Россиысь калык творчествоя юртлэн «Русский художественный текстиль» адӟытонэз усьтӥськоз, отын быдэс Россиысь устоосызлэсь кибашлыослэсь 40-лэсь трос ужъёссэс адӟыны луоз.

Шулдыръяськонэ лыктэмъёс пӧлысь нырысетӥосыз сюрс куноос Балтика зарезьын шутэтскыны сертификат понна вожвылъяськозы.