Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

нуныкай1
"Нуныкай" центрын нырысетӥ занятиос ортчизы

Кык кылэз тодӥсь нылпиослы "НУНЫКАЙ" центрын 9 куарусёнэ кутскизы нырысетӥ занятиос. Центр интыяськемын "СЁМА" центрлэн интыяз: Карла Маркса ульчаын, 395 номеро коркан.

Нылпиос арлыдзыя кык группалы люкемын: пичи нылпиос (2 - 4 аресъемъёсыз) центрын 11 часысен 12 часозь дышетско, нош бадӟымъёсыз (5 - 9 аресъемъёсыз) - 12 часысен 13 часозь 45 минутозь. Нылпиос понна радъямын вал вераськон кылэз волятонъя, крезьгуръя, киужен выронъя, сӥльвирез кыдатонъя урокъёс.

Занятиос ортчылозы котькуд кӧснуналэ толсур толэзьлэн пумозяз.

курсы удмуртского для детей
Удмурт кылъя курсъёс нылпиос понна но ужаны кутскозы

2017-тӥ арын коньывуонэ Ижкарысь Н. К. Крупская нимо лыдӟиськонниын (Автозавод ульча, 18) удмурт кылъя дунын курсъёс ужаны кутскозы, кыстӥськозы 2018-тӥ арысь куартолэзёзь.

Люкало кык группа — нылпиосты но бадӟымъёсты. Курсъёсты нуоз лыдӟиськонниын ужась, кылосбурчи Июлия Хохрякова.

Шундыкар17
"Шундыкар" лагерьлэн 25-тӥ сменаез йылпумъяськиз

Таяз арняе йылпумъяськиз усточи нылпиослы «Шундыкар» лагерь. Туэ со пусйиз азвесь арлыдзэ — 25 арессэ! Отчы вуылӥзы 95 пиналъёс, соос дышетскизы 10 ӧръёсъя.

Уно аръёс ортчыса, лагере выльысен вуизы азьвыл пиналъёс, нош али — тодмо адямиос: «Удмурт Кенеш» огазеяськонлэн тӧроез Татьяна Ишматова, «Удмуртия» ГТРК-ысь журналист Валерий Сидоров, горд сюен вырись Вера Степанова. Вожатойёс куспын нюръяськон вал. Бусыын пумиськизы азьвыл, али но вуоно вожатойёс.

— Берпуметӥ нуналаз тужгес устоосыз зарнивуам «оскаръёсын» пусъемын вал, — вера «Шунды» огазеяськонлэн тӧроез Алина Чернова. — Тужгес устоез отряд луиз крезьгурчиослэн но крезь лэсьтӥсьёслэн огъя отрядзы, ӧнерчи — суредаськись Чудья Жени, тужгес мыло-кыдо пинал — Пичи Пурга ёросысь Арлан гуртысь арганчи Данил Ефимов, вожатой — Кирилл Кириллов.