Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

билингва семинар
Калыкъёслэн Эшъяськон юртазы нош ик кыккылолыкъя семинар ортчиз

Калыкъёслэн Эшъяськон юртазы 30 куарусёнэ нош ик кыккылолыкъя семинар ортчиз. Семинарлэн ужаз ог 50 адями пыриськиз.

Нырысь ик нылпиос удмурт кылын сценкаын, инкуазь явлениос сярысь интерактивной выжыкылын шудӥзы. Выжыкыллэсь сюжетсэ дышетӥсь лыдӟиз, нош геройёслэсь кылъёссэс нылпиос асьсэос малпазы. Учкисьёс пӧлын нылпиос но, анай-атайёс но вал.

Семинарлэн кыкетӥ люкетаз анай-атайёс но нылпиос нимаз ужазы. Анай-атайёслэн юанъёссылы ответ но комментариос сётӥзы кыккылолыкъя ӧнерчи, педагогика тодосъёсъя доктор И.Б. Ворожцова но нылпи психолог О.И. Смирнова.

Нылпиос понна тунсыко шудон радъямын вал. 1,5 аресысен 4 аресозь нылпиослы но 5 ареслэсь бадӟымгес нылпиослы заданиос нимаз чакламын вал. Котькуд нылпилы паспорт сётэмын вал, ужъёсты быдэстэмез понна отчы печать пуктӥзы. Шудон пумын вань шудӥсьёслы ческыт кузьым сётэмын вал.

Семинар г4
30 куарусёнэ нош ик кыккылолыкъя семинар ортчоз

Кыккылолыкъя "Билингва" удмурт центр 30 куарусёнэ нош ик семинарзэ радъя.

Семинармы азьло кадь ик Калыкъёслэн Эшъяськон юртазы (Ижкар, Орджоникидзе урам, 33 а) радъямын луоз. Кутсконэз 11 часэ.

Анай-атайёсын озьы ик пӧртэм ӧнерчиос ужалозы (кыккылолыкъя ӧнерчи, нылпи психолог), нош нылпиос понна тунсыко шудон радъямын луоз. Семинарлэн кутсконаз "Шара лыдӟонъёс" радъямын луозы. Таня апаен ӵош выжыкыл лыдӟом.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

веме
#zemos_udmurt_veme акция "Ключевое слово" премиез сётон понна вожвылъяськонэ пыриськиз

#zemos_udmurt_veme акция "Ключевое слово" всероссийской общественной премиез сётон понна вожвылъяськонэ пыриськиз.

Вормисьёслэн нимъёссы тодмо луозы 3 коньывуонэ. Конкурсэ 500 куронъёс сётэмын, соос пӧлысь 6 гинэ премиен пусъемын луозы.

Семинар ь4
"Билингва" центр куарусёнтолэзе выльысь семинаръёссэ радъяны кутске

Кыккылолыкъя "Билингва" удмурт центр 30 куарусёнэ семинарзэ радъя.

Семинаръёсмы азьло кадь ик Калыкъёслэн Эшъяськон юртазы (Ижкар, Орджоникидзе урам, 33 а) радъямын луозы. Кутсконэз 11 часэ.

Анай-атайёсын озьы ик пӧртэм ӧнерчиос ужалозы, нош нылпиос понна тунсыко шудон радъямын луоз.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

курсы УЯ
Удмуртиын удмурт кылэз дышетонъя курсъёс 1-тӥ коньывуонэ кутскозы

Удмуртиын котькуд мылкыд карисьлы удмурт кылэз дышетонъя дунтэк курсъёс 1-тӥ коньывуонэ кутскозы.

Анай кылэз дышетонъя курсъёс радъясько элькунмылэн шоркараз но мукет ёросъёсын. Отчы ветлыны быгато удмурт кылэз валась но, тодӥсьтэм но муртъёс. Котькуд дышетӥсь аслыз пайдалыкогес ужан амал быръе: одӥгез рольёсъя шудон пыр, мукетыз театръёсы ветлыса, куинетӥез доска вылэ мелэн гожъяса удмурт кылэз дышетскисьёсызлы валэктэ.

Та вакытэ тодмо ӧвӧл на, кытын ортчозы удмурт кылъя дунтэк курсъёс. Со сярысь ивор матысь дыре ужрадлэн ВКонтакте группаяз потоз. Отысь ик шедьтыны луоз гожтӥськон понна телефон номеръёсты.