Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

шудком
"Шудком" визьбур клублэн кыкетӥ сезонэз усьтӥське

Удмурт егитъёслэн "Шунды" мерлыко огазеяськонзы ӧте вань мылкыд карисьёсты Шудком визьбур клублэн кыкетӥ сезоназ! Ужрадэ пыриськон понна 20-тӥ южтолэзёзь заявкаез udmshundy@mail.ru электрон почта пыр келяно. Заявкае пусъёно командалэсь нимзэ, пыриськись адямиосты но герӟетъёсты. Шудон удмурт кылын ортчоз. Удмуртлыкез возись егит анайёс но атайёс, ойдолэ команда кылдытомы!

клубын пумиськон
Удмурт анай-атайёслэн клубзы кыкетӥ пумиськонэз радъяз

12-тӥ южтолэзе МАМА ПИЦЦА кафеын ортчиз удмуртлыкез возись анай-атайёслэн «Пельысь пеле, ымысь ыме» клубзылэн кыкетӥ пумиськонзы. Та пумиськонэз радъяз Ольга Бикузина.

Пумиськонын анайёсты егит ужбергатӥсь, бизнес-тренер Екатерина Злобина тодматӥз, кызьы интернетын аслэсьтыд бизнестэ азинтыны луоз но кызьы аслэсьтыд дырдэ шонер радъяны луоз (тайм-менеджмент).

Нылпиос понна радъямын вал нимаз шудон площадка, кудзэ дасязы асьсэос анайёс.

Тодады вайытӥськом, нырысетӥез таӵе ужрад ортчиз Ижкарысь проектъёслэн «ЛИФТ» штабазы, сое радъяз Оксана Крылова.

Нош клубез кылдытон сярысь малпан лыктӥз «БИЛИНГВАен» радъям кыккылолыкъя семинарын.

клуб
"Пельысь пеле, ымысь ыме" клуб ӧтчаське

"Пельысь пеле, ымысь ыме" клуб выльысь ӧтчаське. Удмурт кылын вераськись анай-атайёсты но соослэсь нылпиоссэс 12 южтолэзе 11 часлы "МАМА ПИЦЦА" (Советской ульча, 15-тӥ юрт) кафеын возьмало. Анай-атайёс понна визьнодась лекция луоз, нош нылпиос понна нимаз площадкаын шудонъёс ортчытэмын луозы. Таӵе пумиськонэз кыкетӥзэ асьсэос анай-атайёс радъяло. Ужрадлэн координаторез - Ольга Бикузина

ӟечкыласько
Нылкышноослэн калыккуспо нуналэнызы ӟечкыласькомы!

Мусо нылкышноос! Ӟечкыласькомы тӥледыз Нылкышноослэн калыккуспо нуналэнызы! Тӥ семьяостылэн лулыз-сюлмыз, утисез, ӟеч сямъёсты но анай кылэз, удмуртлыкез возисьёс. Сӥзиськомы тӥледлы тазалык, шудо-буро, байлыко улон, кужымды ноку но медаз быры, сюлэмды ноку но медаз жадьы но вӧсь луонэз медаз адӟы!

семинар7
Калыкъёслэн Эшъяськон юртазы билингвизмъя сизьыметӥ семинар ортчиз

4-тӥ южтолэзе 2017-тӥ арын Калыкъёслэн Эшъяськон юртазы Анай кылъёслэн калыккуспо нуналзылы но Нылкышноослэн калыккуспо нуналзылы сӥзем Кыккылолыкъя VII семинар радъямын вал.

Семинарлэн нылпиослы чаклам люкетэз шутэтскон нуналэ радъям школа форматэн ортчиз. 1,5 аресыен 4 аресозь но 5 аресысен нылпиос нимаз люкемын вал. Соос понна удмурт кылын математика, киужен вырон но кылэз волятон урокъёс чакламын вал. Дышетскон вискын нылпиос шудӥзы но логопедэн ужазы.

Семинарын атай-анайёс "Пельысь пеле, ымысь ыме" клубын 12 южтолэзе пумиськыны кешизы. Клубын пумиськонлэн интыез но ортчытон дырыз бергес ивортэмын луоз.

Нош вуоноез семинар 22 оштолэзе ортчоз но Быдӟымналлы сӥземын луоз.