Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

анай клуб
Шара пумиськонъёс "Пельысь пеле, ымысь ыме"

6-тӥ тулыспалэ 18.00 часын "ЛИФТ"-ын (Пушкинской урам, 216) ортчоз нырысетӥез шара пумиськон, кытчы лыктыны ӧтё удмурт анай-атайёсты нылпиосынызы ӵош.

Та ужрад азинтэ "БИЛИНГВА"-ен радъям пумиськонъёсты.

Пумиськонлэн пуштросэз:

Пичияк лекция логопед но коррекционной педагог Крылова Оксана лыдӟоз: «Моторикалэн кулэлыкез но кужмыз сярысь».

Ольга Бикузина: языковед но усточи. Нылпиосты удмурт кыллы дышетон амалъёсын тодматоз.

Елена Ильина: киуж ужась. Ортчытоз мастер-класс киужъя.

Пумиськонэз удмурт анайёс радъяло.

Пыронэз: free donation (кӧня сётоды) - радъясьёсты тау карыны эн вунэтэ.

Книга
«Удмурт нылпилы — удмурт выжыкыл!»

«Удмурт нылпилы — удмурт выжыкыл!» видеоконкурс ялӥз «Удмурт нылкышно кенеш» огазеяськон. Ужрад Анай кыллэн калыккуспо нуналэзлы сӥземын.

Ужъёсты 19-тӥ тулыспалозь огазеяськонлэн «ВКонтакте» мерлыко вотэсысь бамаз келяно.

Конкурсэ котькуд мылкыд карись пыриськыны быгатэ. Выжыкылэз мадёно пичи пиналлы шуыса, тунсыко, чебер удмурт кылын. Басьтыны луэ котькыӵе калыклэсь выжыкылзэ, но верано одно ик удмурт кылын. Со сяна, ас малпам выжыкылъёсты но мадьыны яра.

курсы
Удмурт кылъя курсъёс тулыспалэ выльысь ужаны кутскозы

Удмурт кылъя курсъёс Удмуртиын 1-тӥ тулыспалэ ужаны кутскозы. Куинь толэзьем курсъёс бере дышетскем адямиос сертификатъёс басьтозы.

Курсъёс радъясько Удмурт Элькунысь йӧскалык политикая министерстволэн кичӧлтэмезъя анай кылэз дышетӥсьёслэн "Выжы" ассоциациен.

2016-тӥ арлэн кыкетӥ палараз элькунамы удмурт кылэз дышетонъя 17 курсъёс усьтэмын вал: 8-эз соос пӧлысь Ижкарын радъяськизы, 9-эз — Удмуртиысь ёрос центръёсын.

Ижкарын 26 толшоре удмурт кылэз дышетыны мылкыд карисьёсын Калыкъёслэн Эшъяськон юртазы организационной собрание ортчытозы. Кутсконэз 17 часэ.

бал
Калыкъёслэн Эшъяськон юртазы "Вожо бал" ортчиз

Удмурт кылэн эшъяськись 8–11 классъёсын дышетскись пиналъёс 19-тӥ толшоре «Вожо балын» шулдыръяськизы. Удмуртиысь Калыкъёслэн эшъяськон юртазы оглом 80 дышетскисьёс люкаськылӥзы.

Пиналъёс понна радъям ужрад Выль арлы сӥземын вал. Отчы Ижкарысь школаосын удмурт кылэз дышетӥсь азьветлӥсь пиналъёсты, озьы ик Москваын олимпиадаын но Казаньын конференциын Удмуртилэсь данзэ утемъёсты ӧтизы.

Егитъёслы шутэтскыны но шулдыръяськыны туж тунсыко программа дасямын вал. Пиналъёс полонез но падеграс эктонъёсын тодматскизы, удмуртъёслэн сямъёссыя, улэм-вылэмзыя визьсынан шудонэ пыриськизы, «Капка», «Небыльток» но мукет шудонъёсын шудӥзы, туала крезьгуръёсъя позыръяськизы.

ГГПИ
Глазовысь педагогикая институтын удмурт нылпи садъёслы ӧнерчиосты дасялозы

Глазовысь педагогикая институтын вуоно дышетскон арысен удмурт кылъя эшшо одӥг группа кылдоз Али отын удмурт кылъя но англи кылъя дышетӥсьёсты дасяло. Нош 1-тӥ куарусёнысен нылпи садъёсы удмурт воспитатель ӧнеръя вылӥ тодон-валан сётыны кутскозы. Отчы 10 муртэ кутозы. Дышетон бюджет амалъя нуиськоз.