Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

герд
14 толшоре Кузебай Гердлэн вордӥськем нуналэз

1898 арын 14 толшоре Кузьма Павлович Чайников - Кузебай Герд - вордӥськиз. Со удмурт совето нылпи литературалэн азьветлӥсез луэ.

ХХ даурлэн 20-тӥ аръёсаз Кузебай Герд пыр-поч чакласькыны кутскиз нылпи литературалэн азинсконэз сярысь. Со нырысетӥез, кин та юанлы кӧня ке статьязэ сӥзиз. Со сяна со ачиз нылпиослы чеберлыко произведениосты гожъян борды мыло-кыдо басьтӥськиз. Вакчи дыр куспын со 140 котыр кылбуръёс но веросъёс гожтӥз.

Тросэз произведениосыз «Шуныт зор» (1924), «Выль сюрес» (1929) учебник-хрестоматиосын но «Сяськаяськись музъем» (1927) кылбур бичетын печатламын вал.

Камали
"Камали" нылпи студия можгаосты концертаз ӧте

Туала удмурт крезьгуръя "Камали" нылпи студия вань сюлмысьтыз ӧте Можга карысь анай-атайёсты но нылпиосты "Чупырес" концертэ, кудӥз ортчоз 26 толшоре "Дубитель" культурая юртын. Концертын удмурт пиналъёслэн трос яркыт, чебер, сюлэме пырымон кырӟанъёссы чузьяськозы, тунсыко конкурсъёс ортчозы, озьы ик чебересь кузьымъёс басьтыны луонлык но луоз. Кутсконэз 16.00 часын.

лудорвай
Вожодыр - пӧртмаськон но тунояськон вакыт!

Нырысьсэ, 14 толшоре 2017 арын, 12 часысен 15.00 часозь «Лудорвай» архитектурно-этнографической музей-заповедник Вожодыр шулдыръяськонэ ӧте. Вожодыр кутске 7 толшоре, Ымусьтонэ, нош йылпумъяське 19 толшоре, Йӧ вылэ султон вакытэ.

открытки
Тол Бабаез но Лымы нылэз «улэп» открыткаосысь адӟыны луэ

Тол Бабайлэсь но Лымы Ныллэсь ӟечкыланъёссэс адӟыны луэ «ватсам улон» технологиен лэсьтэм открыткаосысь.

Огъя вераса, Выль арлы карточкаосын кӧня ке серия поттӥзы: туспуктэмен открыткаос, удмурт тусъем пудо-пӧйшуръёсын суредъёсын открыткаос: гондырен, атасэн, ӟичыен но койыкен, кудъёсыз Выль арен кылбурен ӟечкылало но Тол Бабаен но Лымы Нылэн «ватсам улон» технологиен вить пӧртэм открыткаос.

Удмуртиысь Выль ар выжыкыл геройёс «улэп» открыткаосын кӧня ке кылын верасько.

Открыткаосты басьтыны луэ Ижкарысь вузкарон интыосысь, Шарканын Тол Бабайлэн юртысьтыз, Глазкарысь шаертодонъя музейысь но Алнашысь. Но соослэсь вань паймымон луэмзэс адӟон понна телефонэ нимысьтыз ватсэтэз кыскыны но пуктыны кулэ.

Ватсэт Выль AR нимаське. Сое шедьтыны но телефонэ пуктыны луэ Google Play интернет-магазинысь. Со дунтэк вӧлмытӥське.