Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

ӟечбур
«Ӟечбур!» газет «Улэм-вылэм Ӵуж пуны…» творческой вожвылъяськонэз ортчытэ

«Ӟечбур!» газет «Улэм-вылэм Ӵуж пуны…» творческой вожвылъяськонэз ортчытэ.

Конкурсэ пыриськисьёслы одно ик:

  • нимтулзэс но улон интызэс гожтоно,

  • школазэс но кыӵе классын дышетскемзэс ивортоно,

  • келяно асьсэ киынызы быдэстэм суред, кытын возьматэмын луоз пунызы,

  • суред улэ малпам чуръёс гожтоно (кылбур, верос, мадиськон, басня но мукет),

  • социальной сетьёс пыр (ВКонтакте https://vk.com/zechbur_gazet , Одноклассники https://ok.ru, Фэйсбук https://www.facebook.com, Инстаграм) газетэнымы эшъяськоно.

Ужъёстэс келяно, «Улэм-вылэм Ӵуж пуны…» конкурсэ» пусйыса, электрон почта пыр zechbur@mail.ru адресъя.

Вожмаськон 31-тӥ толсурозь кыстӥськоз.

Моццоын
Удмуртлыкез возись анай-атайёслэн клубзы нош ик ӧтчаське

Кема возьмам ивор! Удмуртлыкез возись анай-атайёслэн клубзы нош ик ӧтчаське. Пумиськонмы ӵуказе, 14 шуркынмонэ, 18 часэ 30 минутэ "Моццо" гастробарын кутскоз. Адресэз таӵе: Советской ульча, 14а юрт, 2 этаж.

Таяз учыре Ольга Бикузина ӧтчаське. ВК-ысь бамаз Ольга гожтэ: "Тунсыко куно возьмалоз тӥледыз. Супыльтом, чай юом! Кемалась ӧм пумиськылэ ни". Нош кин ми доры куное вуоз, со уг иворты.

Быгатӥськоды сьӧрады нылпиостэс вайыны, "Моццоын" усто шудон площадказы вань.

Пичи Чеберай
«Пичи чеберайёс но батыръёс» фестиваль-конкурслэн йылпумъясь ужрадэз ортчиз

Туннэ Калыкъёслэн Эшъяськон юртаз «Пичи чеберайёс но батыръёс» фестиваль-конкурслэн йылпумъясь ужрадэз ортчиз.

Финалын быгатонлыкъёссэс возьматӥзы куинь городъёсысь но дас укмыс ёросъёсысь нылпи садъёсысь тужгес адӟем карымон удмурт пиналъёс.

Удмурт нылпиослы таӵе вожвылъяськон 6-тӥ арзэ радъя ни «Удмурт нылкышно кенеш» огазеяськон «Удмурт кенешен» но Йӧскалык политикая министерствоен валче. Азьвыл со чакламын вал Ижкарысь удмурт семьяосысь нылпиос понна гинэ.

Ужрадлэн пуштросэз паськыт: нылпиос анай кылынызы асьсэ сярысь веразы, удмурт кылбуръёс лыдӟизы, кырӟазы, эктӥзы. Нылашъёс киужен вырыны быгатэмзэс, пияшъёс кужмо, шӧртчи луэмзэс возьматӥзы.

Фестивале пыриськем вань нылпиосты быгатонлыкъёссы, мылкыдзы понна вормисьёс шуимы. Азьланяз но ужрадъёсы кыстӥськемзы мед потоз шуыса, котькудӥз пӧртэм номинациосын пусъемын.

Майя Бывальцева
Журналистъёслэн йӧскалык но вӧсьлык кусыпъёслы сӥзем ужъёссыя кар конкурслы йылпумъянъёс лэсьтэмын

Журналистъёслэн йӧскалык но вӧсьлык кусыпъёслы сӥзем ужъёссыя кар конкурсын иворъёсъя «Удмуртия» агентство кык диплом утӥз. Майя Бывальцевалэн «Кӧня кыллы дышетоно покчи нылпиез: малпанъёс но дышетон амалъёс» статьяез «Интернет-сайтысь устоез материал» номинациын 1-тӥ инты басьтӥз. Статьязэ Майя семинарамы ветлэмез бере гожтӥз.

Солэн кыкетӥ ужез — «Выжы-выжы-выжыкыл» элькун нылпи фестивальлэн йылпумъян люкетэз ортчиз Ижкарын — со номинациын ик 3-тӥ инты басьтӥз.

Журналистъёсты сӥё-дано пусъён ужрад 1-тӥ шуркынмонэ Удмуртиысь Калыкъёслэн эшъяськон юртазы ортчиз.

гуждор
Шаркан ёросын "Гуждор" нылпи фольклор фестиваль ортчиз

26 коньывуонэ Шаркан ёросысь Вуж Быги гуртын "Гуждор" нылпи фольклор фестиваль ортчиз.

Вожвылъяськонэ Шаркан ёросысь дас гуртъёсысь нылпи садъёсысь 5-7 аресъем нылпиос пыриськизы.

Вормисе Мувыр шоръёзо школалэн нылпи садысьтыз нылпиос потӥзы. Соос "Корка миськон" обряд возьматӥзы.