Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

10 семинар
28 коньывуонэ кыккылолыкъя X семинар ортчиз

28 коньывуонэ Калыкъёслэн Эшъяськон юртазы кыккылолыкъя X семинар ортчиз.

Таяз учыре пумиськон книгаез лыдӟонлы но нылпилэсь анай кылзэс волятонлы сӥземын вал.

Нылпиослы нош ик станциосъя ветлыса шудон радъямын вал. Быдэсъяно ужъёс озьы ик чеберлыко литератураен герӟаськемын вал.

Вуоно семинармы 25 шуркынмонэ радъямын луоз. Семинарез радъясьёс выль ужан амалэз уже кутыны малпало. Анай-атайёслы нылпи психологилы сӥзем ужъёсты (Юлия Гиппенрейтерлэн «Общаться с ребенком. Как?», «Большая книга общения с ребенком» книгаосыз но Франсуаза Дольтолэн «Психоанализ и воспитание» ужез) лыдӟыны но отысь кыккылолыко нылпиосты будэтонъя юанъёслы ответъёс утчаны дэмламын луоз.

Ханты-Мансийск
Ханты-Мансийскын "Кыккылолыкъя "Билингва" удмурт центр" проект сярысь тодӥзы

Ханты-Мансийскын "Кыккылолыкъя "Билингва" удмурт центр" проект сярысь тодӥзы.

Т.Г. Волкова, проектлэн валтӥсез, Ижкарын кыккылолыклы сӥзем проектъёслэн азинскемзы сярысь Калык чеберлыко культуралы сӥзем конгрессын, кудӥз 23 - 25 коньывуонэ ортчиз, вераса потӥз.

Докладлэн пуштросэз пӧртэм улосвылъёсын но элькунъёсын улӥсь тодосчиослы туж тунсыко потӥз.

Чеберай
Ижкарын "Пичи Чеберайес но Батыръёс" элькун нылпи фестивальлэн нырысетӥ этапез кутскиз

Туннэ Ижкарын "Пичи Чеберайес но Батыръёс" элькун нылпи фестивальлэн нырысетӥ этапез кутскиз. Фестивальлэн кичӧлтӥсез - Удмурт нылкышно кенеш.

Удмурт кылэз но сям-йылолъёсты тодонын туннэ Индустри но Первомай ёросъёсысь 12 нылпиос вожвылъяськизы. Котькуд нылпилэн быгатонлыкез пӧртэм номинациосын пусъемын.

Ӵуказе фестивальлэн площадкаез Октябрь ёросын усьтӥськоз, нош ӵуказе улыса - Устинов ёросын.

Семинар г4
Кыккылолыкъя "Билингва" удмурт центр нош ик семинаре ӧте

Кыккылолыкъя «Билингва» удмурт центр 28 коньывуонэ нош ик семираз ӧте.

Семинармы азьло кадь ик Калыкъёслэн Эшъяськон юртазы (Ижкар, Орджоникидзе урам, 33 а) радъямын луоз. Кутсконэз 11 часэ.

Семинарлэн ужан темаез «Кызьы нылпиен книга лыдӟыку солэсь анай кылзэ волятыны луоз».

Анай-атайёсын озьы ик пӧртэм ӧнерчиос ужалозы, нош нылпиос понна удмурт кылын тунсыко шудон но «Шара лыдӟонъёс» радъямын луозы.

Семинаре ӧтиськомы удмурт кылын вераськись анай-атайёсты нылпиосынызы ӵош (нылпи садэ яке 1–2-тӥ классэ ветлӥсьёссэ).

Ходырев Г
Г.А. Ходыревлы туэ 85 арес тырмысал

17-тӥ коньывуонэ Ижкарысь Калыкъёслэн Эшъяськон юртазы удмурт нылпи кылбурчилы Герман Ходыревлы сӥзем литературая, крезьгуро ӝыт ортчоз.

Нош Глазкарын "Нылпиосты яратыса" элькун акция ялэмын. Со озьы ик Г.А. Ходырелы 85 арес тырмонэзлы сӥземын. Акция 23 коньывуонозь кыстӥськоз.