Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

12 Семинар
Билингвизмъя семинарын анай кылэз семьяын утёнъя амалъёсты шараязы

27-тӥ толшоре Ижкарысь Эшъяськон юртын кык кылолыкъя семинар ортчиз. Анай-атайёс нылпиоссэс семьяазы кык кыллы дышетон амалъёссы сярысь веразы.

Кыккылолыкъя «Билингва» удмурт центрлэн та 12-тӥ семинарез ни. Азьвыл пумиськонъёсын бадӟым саклык удмурт но ӟуч кылъёслы висъяськиз ке, таяз радэ семинаре армян, азербайджан, бигер но немец семьяос пыриськизы. Сыӵе луонлык кылдӥз «Билингва. О практиках формирования двуязычия в современной городской среде» ӵектос улонэ пыӵаны кутскем улсын. Миым проект Азьмурт грантъёсъя Фондэн ялэм вожвылъяськонын вормиз.

Котырес ӝӧк сьӧрын кенешонын семинаре пыриськисьёс тужгес сюлэмшугъяськытӥсь ужпумез эскеризы – кызьы семьяын утёно анай кылэз, мукет кылъёсты гажан мылкыд пыӵатоно.

Анай кылэн вераськись муртэн герӟет возён, пиналэн ялан анай кылын вераськон, анай-атайёслэн мылкыдзы, кык кылын книгаосты лыдӟон, аудиовыжыкылъёсты кылзон, нылпи садын ужась ӧнерчиослэн мылкыдзы – котькуд семьялэн нылпиосты ог вакыт кык кыллы дышетонын аслаз амалъёсыз. Кык кылэз тодон мукет но кылъёсты дышетыны бадӟым юрттэт сётэ – верало ӧнерчиос.

«Пиналэз анай кыллы дышетыны вань ке бадӟым мылкыд, луонлык но кылдоз», - пусйизы кенешонэ пыриськисьёс.

Пусйыны кулэ, семинар вакыт ик нылпиос понна дышетскон но шудон площадакос ужазы. Ваньмон дырез радъянъя «Нуныкай» огъетысь ӧнерчиос удмурт лулчеберетэн тодматсконъя тунсыко ужрад ортчытӥзы.

Семинарез радъясьёс: Кык кылолыкъя «Билингва» удмурт центр, «Удмурт кенеш» огазеяськон, Ижкарысь Эшъяськон юрт но Азьмурт грантъёсъя Фондлэн но Удмурт Элькунысь йӧскалык политикая министерство юрттэм улсын.

нуныкай
Покчи нылпиос понна «Нуныкай» центр дышетон ужзэ кутске

Туэ понна нырысетӥез пумиськон ортчоз 4-тӥ тулыспалэ пиналъёсты дышетонъя «Сёма» огъетын. Занятиос радъяськозы «Пельняньлэн дунневыл нуналэз» фестиваль улсын. 2 арес но солэсь бадӟым пиналъёс быгатозы Удмурт лулчеберетэн тодматскыны шудонъёс, киужен вырон, крезьгуро инструментъёс, театр постановкаос пыр.

«Ужан радлык та нуналэ кӧня ке воштӥськоз, - вера «Нуныкай» центрлэсь ужзэ валтӥсез Ольга Бикузина. – 11 часлы ӧтиськом 2-сен 4 аресозь покчиосты. 5-ысен 9 аресозь пиналъёсты удмурт лулчеберетэн тодматон кутскоз 12 часысен. Нош бадӟым нылпиослы занятиос – 14 часысен».

Тодады вайытом, нылпиосты дышетонъя но ваньмон дырез радъянъя «Нуныкай» центр «Удмурт кенешлэн» «Билингва» ӵектосэз улсын туэ ужа. Проект Азьмурт грантъёсъя Фондэн ялэм вожвылъяськонын вормись луиз. Сӥземын «Билингва» карын улӥсь нылпиосты огдыре кык кыллы дышетонлы. Занятиос радъяськозы арнянуналъёсы нылпиослы чаклам «Сёма» огъетын (К. Маркс урам, 395 юрт). Ватсаса ивортонъёсты шедьтыны луэ VK сайтысь «Нуныкай» огинлыкысь (vk.com/nunykai)

Этно-пресс-клуб
"Билингва" проект сярысь Калыкъёслэн Эшъяськон юртазы Этно-пресс-клублэн пумиськоназ вераськизы

Пӧртэм калыкъёс сярысь гожъясь газетчиос ужазы ӵем пумиськылӥсь йӧскалык юанъёс пумысен кенешизы 17 толшре выль площадкаын. Нырысетӥ ужрадын эскеризы билингвизмез – кык кылэз огкадь умой тодонэз, солэсь аспӧртэмлыкъёссэ.

Пумиськонын эксперт чотын вераськизы мерлыко огазеяськонъёслэн ёзчиоссы но студентъёс – кин билингвизмлэсь аспӧртэмлыксэ ас вылаз тодэ-шӧдэ. Кык кылолыкъя центрлэн ужез сярысь вераз Татьяна Волкова. Со Азьмурт грантъёсъя фондэн ялэм вожвылъяськонын вормем «Билингва» ӵектослэн кивалтӥсез луэ (проект бадӟым саклык висъя карын улӥсь нылпиосты кык кыллы огдыре дышетонлы). Татьяна Волкова уж борды кутскемзы сярысь вераз – нырысь радъяськизы семинаръёс анай-атайёс понна, кудъёсыз шугъяськизы пиналзылы удмурт кылэз дышетыны. Со вакытлы нимлыко сайт гинэ кылдытэмын вал. Бӧрысь ӵектос интернет вотэсбамысь кык кылолыкъя зэмос школалы пӧрмиз.

Семинар в Вавоже
Вавожын анай кылэз дышетонъя но кыккылолыкез азинтонъя юанъёсты эскеризы

18 толшоре Кык кылолыкъя «Билингва» огъет Вавож ёросэ вуылӥз. Пумиськон ортчиз ёрос администрацилэн юртаз, ужрадэ пыриськизы Вавожысь пӧртэм калыкъёслэн мерлыко огазеяськонъёссылэн ёзчиоссы, лулчеберетъя ужъюртъёсысь ӧнерчиос но ёрос администрациын ужасьёс. Люкаськем калыклэн юанъёсызлы валэктон сётӥз но мерлыко огазеяськонъёсын ужан амалъёс сярысь вераз Элькунысь йӧскалык политикая министр Лариса Буранова.

Пумиськон улсын ужаз кык площадка. Кыллы сӥзем кенешонын вераськон мынӥз муниципал кылдытэтын удмурт кылэз азинтон амалъёс сярысь, кык кылолыкъя ужпумъёсты эскеризы. Кык кылолыкъя «Билингва» огъетлэн кивалтӥсез Татьяна Волкова центрзылыэн уженыз тодматӥз. «Билингва» удмурт кылэз дышетон ӧрын паськыт луонлыкъёс кылдытэ. Кылсярысь, удмурт но ӟуч кылъёсты огвакытэ дышетонлэн пайдаез сярысь вера. Тодады вайтом, «Билингва» ӵектос Азьмурт фондэн ялэм вожвылъяськонын грант утӥз. Коньдон висъямын карын улӥсь нылпиосты огдыре кык кыллы дышетонъя амалъёсты уже кутонлы.

«Удмурт нылкышно кенеш» огазеяськонлэн кивалтӥcез Надежда Степанова дэменлыксылэсь удмурт кылэз азинтонъя вормонъёссэс но ужан амалъёссэс шараяз.

Пумиськонын озьы ик ортчиз «Школа – удмурт лулчеберетъя огъет» ӵектосэн тодматскон. Со сӥземын анай кылэз азинтон ужпумлы. Проект ужа Вавож ёросысь Бия гуртысь дышетсконниын. Семинаре пыриськисьёс ужлы вылӥ дунъет сётӥзы, ужлэсь ӟечсэ пусйизы. Куд-ог янгышъёс бордын ужано палъёссэ шараязы, выль амалъёсты дэмлазы.

билингва семинар
"Билингва» аслэсьтыз ужзэ паськытатэ

27-тӥ толшоре Калыкъёслэн Эшъяськон юртазы кыккылолыкъя «Билингва» удмурт центр но Вань удмуртъёслэн «Удмурт Кенеш» огазеяськонзы Президент грантъёсъя фондлэн но Удмурт Элькунысь йӧскалык политикая министерстволэн юрттэмзыя кыккылолыкъя (билингвизмъя) семинар радъяло.