Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

нуныкай
Кык кылэз тодӥсь нылпиослы "Нуныкай" центрлэн занятиосызлэн ужан радлыкез

Матысь дырлы Кык кылэз тодӥсь нылпиослы "Нуныкай" центрлэн занятиосызлэн ужан радлыкез:

3.03.2018 Эктонъя студия

дышетӥсез Бехтерева Елизавета Николаевна

10.00 – 5-7 арес

11.00 – 8-9 арес

4.03.2018 Комплексной занятиос

11.00 – 2-4 арес

Кылэз волятон. Михайлова Любовь Георгиевна

Мугорез кыдатон. Фролова Елена Григорьевна

Киужен вырон. Дубовцева Вера Анатольевна

12.00 – 5-9 арес

Кылэз волятон. Михайлова Любовь Георгиевна

Мугорез кыдатон. Фролова Елена Григорьевна

Киужен вырон. Дубовцева Вера Анатольевна

6.03.2018 Театральной студия

Фархутдинова Ольга Витальевна

17.00 – 6-7 арес

17.30 – 8-9 арес

Озьы ик ӧтиськом тӥледыз кенешыны логопедэн Кудрявцева Татьяна Витальевнаен. Пумиськонмы ортчоз 4-тӥ южтолэзе. Сӥземын луоз таӵе темалы: "Нылписоты кык кыллы дышетонлэн аспӧртэмлыкъёсыз". Собере луонлык вань нимысьтыз логопедэн вераськыны, юанъёстэс сётыны.

Билингва футбол
Ижкарын ортчиз футзалъя дасэтӥез элькун чемпионат

Ижкарын ортчиз футзалъя дасэтӥез элькун чемпионат. Вожвылъяськизы Удмуртиысь йӧскалык огазеяськонъёсысь спортсменъёс.

Нырысьсэ чемпионатэ «Билингва» удмурт центрлэн ёзчиосыз но пыриськизы. Дас шудӥсь пӧлысь сизьымез – Кузёбай Герд нимо гимназиысь ӧнерчиос но дышетскисьёс. «Билингва» команда мукетъёсызлэсь висъяськиз тужгес арлыдо но тужгес пинал шудӥсь спортсменъёсыныз. Тыршемзы юнме ӧз луы – «Билингва» команда финаллэн ньыльмос люкатаз пырыны быгатӥз.

семинар
Ялӥськомы "5 ДУНО КЫЛЪЁС" вожвылъяськонэз

Проект ялэ "5 ДУНО КЫЛЪЁС" нимо нылпи суредъёсъя интернет-конкурс.

Пыриськыны ӧтиськом 4-8 аресьем удмурт кылын вераськись пиналъёсты. Пиналъёс асьсэос малпаны кулэ 5 самой дуно, соос учкемъя, удмурт кылъёс. Со кылъёслэсь одӥг пуштросъем суред пӧрмытоно но туспуктыса, сообщениен ыстоно 19-тӥ южтолэзёзь udmbilingva@yandex.ru электронной почтае, ВКонтакте вотэсбамысь "Билингва" яке "Удмурт нылкышно кенеш" группаослэн бамъёсазы.

Госсовет
Элькун Тӧролэн но Кивалтэтлэн Администрацияз йӧскалык гимназиын дышетскисьёсын пумиськон ортчиз

Туннэ "Удмурт Кенешлэн" тӧроез Татьяна Ишматова Кузебай Герд нимо гимназилэн директореныз Татьяна Волковаен но гимназиысь 1 "б" классын дышетскись Арсений Волковен но Эвика Кузьминаен Анай кыллэн калыккуспо нуналэныз ӟечкылазы Тӧролэн но Правительстволэн Администрациенызы кивалтӥсь Сергей Смирновез.

17 семинар
17-тӥ тулыспалэ Эшъяськон юртын кыккылолыкъя «Билингва» удмурт центр но «Удмурт кенеш» огазеяськон билингвизмъя семинар ортчиз.

Кык кылолыкъя семинар ортчиз Ижкарысь Эшъяськон юртын. «Билингва: луонлыкъёсты огазеяськом» - таӵе ним улсын ортчиз семинар Эшъяськон юртын 17-тӥ тулыспалэ.