БилингваБилингвизмъя удмурт центр

Калыкъёслэн Эшъяськон юртазы котьку сямен кык группаосын кылэз волятонъя, крезьгуръя но киужъя занятиос ортчизы. Шумпотымон, дышетскыны трос нылпиос вуизы но туж мыло-кыдо ужазы.

Дуно, эшъёсмы! Жаляса верано милям кылдӥз сыӵе югдур, куке ужан интымес выжтоно луиз мукет интые.

САК КАРИСЬКЕ!!! Табере "Нуныкай" занятиосмы ортчозы Эшъяськон юртын (Орджоникидзе урам, 33 "а" номеро юрт).

Кемалась Анай клубмы ӧз пумиськылы ни вал. Таяз радэ удмурт анай-атайёс нылпиосын ӵош "Технотроника" нылпи центре куное ветлӥзы. Туж тунсыко экскурсие вуылӥм, нылпиос тодматскизы выль компьютерной технологиосын, самой покчиосызлы но компьютеръёс сюризы.

"Тӥляд но, анайёс, мылкыдды вань ке, радъялэ таӵе выллем ужрадъёс, туж но туж шумпотыса пумиськом-супыльтом, нылпиос но ог-огенызы шудозы" - пумиськон бере гожтэ Ольга Бикузина, та ужрадэз радъяны юрртэм адями.

Бадӟым тау шуэм потэ Светлана Вахрушева пумиськонмес радъямез понна, удмурт кылын экскурсиез нуэмез понна.

Матысь дырлы Кык кылэз тодӥсь нылпиослы "Нуныкай" центрлэн занятиосызлэн ужан радлыкез:

3.03.2018 Эктонъя студия

дышетӥсез Бехтерева Елизавета Николаевна

10.00 – 5-7 арес

11.00 – 8-9 арес

4.03.2018 Комплексной занятиос

11.00 – 2-4 арес

Кылэз волятон. Михайлова Любовь Георгиевна

Мугорез кыдатон. Фролова Елена Григорьевна

Киужен вырон. Дубовцева Вера Анатольевна

12.00 – 5-9 арес

Кылэз волятон. Михайлова Любовь Георгиевна

Мугорез кыдатон. Фролова Елена Григорьевна

Киужен вырон. Дубовцева Вера Анатольевна

6.03.2018 Театральной студия

Фархутдинова Ольга Витальевна

17.00 – 6-7 арес

17.30 – 8-9 арес

Озьы ик ӧтиськом тӥледыз кенешыны логопедэн Кудрявцева Татьяна Витальевнаен. Пумиськонмы ортчоз 4-тӥ южтолэзе. Сӥземын луоз таӵе темалы: "Нылписоты кык кыллы дышетонлэн аспӧртэмлыкъёсыз". Собере луонлык вань нимысьтыз логопедэн вераськыны, юанъёстэс сётыны.