Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Майя Бывальцева
Выльдӥськиз "Анай-атайёслы дэмланъёс" ёзэт

Сайтамы "Тодослыко люкет/ Анай-тайёслы но дышетӥмьёслы" люкетысь "Анай-атайёслы дэмланъёс" ёзэтэ Бывальцева Майялэн "Анай кылэз утён: мылкыд вань ке, луонлыкъёс шедёзы" статья ватсамын.

Статьяын вераськон мынэ, кызьы кыккыло семьяосын анай кылын нылпиосты вераськыны но сое гажаны дышето.

14 семинар
Туннэ Удмурт Элькунысь Калыкъёслэн Эшъяськон юртазы кыккылолыкъя XIV семинар ортчиз

Туннэ Удмурт Элькунысь Калыкъёслэн Эшъяськон юртазы кыккылолыкъя XIV семинар ортчиз.

Анай-атайёсын ӵош ужанлы сӥзем площадкаын тодмо психоаналитиклэн Франсуаза Дольтолэн дышетон амалъёссэ эскеризы.

Нылпи площадкаын нош кык кылэз тодӥсь пиналъёс театр дуннеен, актёръёслэн ӧнеренызы тодматскизы. Пумиськонзы йылпумъяськиз анай-атайёссы понна пичияк концертэн.

Семинар бере котькуд нылпи «Билингва» центрлэсь кузьым басьтӥз. Анай-атайёс понна ӧнерчиосын нимысьтыз пумиськыса-кенешыса визь-нод басьтыны луонлык кылдытэмын вал. Семинар усто пӧрмиз.

Возьмаськом мылкыдъёстэс шараямдэс.

театр
«Нуныкай» огъетын кык кылын вераськись нылпиос понна театръя студия ужа

Ваньмон дырез радъянъя «Нуныкай» огъетын кык кылын вераськись нылпиос понна театръя дышетсконъёс ортчо. «Удмурт кенеш» огазеяськонлэн «Билингва. О практиках формирования двуязычия в современной городской среде» ӵектосэз но ваньмон дырез радъянъя «Нуныкай» огъет ужам улсын кык кылын вераськись пиналъёс понна Ижкарын туэ театръя студия ужзэ мытӥз.

Театръя студиын пумиськонъёс ортчо арняяз огпол кык пӧртэм группаосын – нимаз 5-сен 7-озь но 8-ысен 9 аресозь нылпиос понна. Покчиос «Теремок» ӟуч выжыкылъя «Лы корка» нимо мунё спектакль дасяло, бадӟымъёсыз «Репка» выжыкыл пуктон бордын тыршо.

17 семинар
Гажаса ӧтиськомы Кыккылолыкъя XIV семинаре

31-тӥ южтолэзе Удмурт Элькунысь калыкъёслэн Эшъяськон Юртазы кыккылолыкъя «Билингва» удмурт центр но «Вань удмуртъёслэн «Удмурт Кенеш» огазеяськонзы Азьмурт грантъёсъя фонд но Удмурт Элькунысь йӧскалык политикая министерство юрттэм улсын Кыккылолыкъя XIV семинарез радъяло.

Семинарлэн кутскон дырыз – 11 час. Пусйиськон – 10.30.

Афиша
«Эктӥськом» конкурслэн финалэз 22 оштолэзе ортчоз

22-тӥ оштолэзе Удмуртиысь ӥӧскалык театрын ортчоз «Шудон корка» передачаысь «Эктӥськом» конкурслэн финалэз «Бадӟымъёс кырӟало – покчиос экто». Гала-концертэ пыриськизы 17 нылпи садысь покчиос но артистъёс: Алина Антонова, Влад Андреев, «Тулкым» ансамбль, «Куинь Светиос», Альбина Беспалова, Марина Галичанина, Наталья Ушакова.