БилингваБилингвизмъя удмурт центр

Удмурт IT ӧнерчиос нылпиослы удмурт кылэз дышетон понна выль мультимедийной шудон кылдытӥзы

«Чингыли» ӵектос бордын тыршизы удмурт егитъёслэн «Шунды» огазеяськонзылэн ёзчиосыз Удмурт Элькунысь дышетонъя но тодосъя министерствоен валче, «Мынам Удмуртие» телерадиокомпания юрттэм улсын. Ӵектос 3 пӧртэм темаослы люкемын:

1. «Шудон».

2. Кылбуръёс, выжыкылъёс но мадиськонъёс.

3. Удмурт-ӟуч кыллюкам (ватсэт).

Мультимединой ӵектослэн ужаз пыртэмын «Зэмос удмурт веме» акци улсын кылдытэм мультфильмъёс, «Монами» дизайн-студилэн суредъёсыз, Екатерина Мензариповалэн но Pixabay.com сайтысь Creative Commons лицензи улсын вӧлмытӥськись мукет суредасьёслэн ужъёссы.

«Билингва ТВ» интернет-вожвылъяськон ӵуказе йылпумъяське. Туннэ нунал понна ми доры вуизы ини даслэсь трос ужъёс.

Кин ӧз пыриськы на конкурсамы, ыстэ милемлы удмурт кылын гожтэм видеоез, кытын тӥляд нылпиды яке тӥ нылпиен ӵош возьматӥськоды мастер-класс, дышетӥськоды кыӵе ке киужлы яке пайдаё дэмланъёстэс шараяськоды. Вань вуэм ужъёс огазеямын луозы «Билингва ТВ» ютуб-каналын.

Тужгес усто пинал блогеръёс нимысьтыз кузьымъёсын но сертификатъёсын пусъемын луозы. Вожвылъяськонэ пӧртэм аресъем пиналъёс пыриськыны быгато. Ужъёсты кутонлэн берпуметӥ нуналэз - 29-тӥ оштолэзь.Возьмаськомы ёросъёсысь но пиналъёслэсь ужъёссэс.

«Билингва» центрлэн «Мон удмурт сямен вераськисько» акциез мытэмын вал Анай кыллэн нуналаз, 21-тӥ феврале. Нош та нуналъёсы акцилы йылпумъянъёс лэсьтэмын. Акция ортчиз "Билингва. О практиках формирования двуязычия в современной городской среде" проектлэн азинскемез улсын (проект Азьмурт грантъёсъя фондлэн юрттэмезъя улонэ пыӵа).

Нырысь ик пусъёно, акцие пыриськизы удмурт огазеяськонъёс но нимаз адямиос, егитъёс но мӧйыос, огшоры ужасьёс но бадӟым кивалтӥсьёс, вань мылкыд карисьёс.

«Мон удмурт сямен вераськисько» акция азьын кӧня ке ужпум сылӥз, - пусъе «Билингва» проектлэн валтӥсез, филология наукаосъя кандидат Татьяна Волкова, - Нырысь ик, удмурт кылэн тунсыкъяськисьёслэн, сое дышетыны мылкыд карисьёслэн лыдзы мед будоз, кыкетӥез, адямиос мед валалозы анай кылэз тодонлэсь кулэлыксэ. Юромо акция понна лэсьтэмын вал 400 значокъёс. Та дыр ӵоже соос Удмуртиысь вань ёросъёсы но каръёсы вуизы. Та значокез бырттылӥзы тужгес мыло-кыдоослэн, анай кылзэс дышетыны мылкыд карисьёслэн, гадязы.

Александр Бречалов "Удмурт кенешлэн" исполкомезлэн ёзчиосыныз Кузебай Герд нимо удмурт кун йӧскалык гимназиын пумиськиз.

Исполкомлэн ёзчиосыныз пумиськытозь Удмурт Элькунлэн тӧроез гимназиен тодматскиз, нылпиослы дышетскыны но дышетӥсьёслы ужаны кылдытэм условиосты эскериз, нылпиоосын вераськиз, кылсярысь пӧртэм кылъёсты дышетонлэн кулэлыкез сярысь. Нош нылпиос солы Кузебай Герд сярысь вераса потӥзы, асьсэ проектъёсынызы тодматӥзы.

Гимназиен тодматскемез бере Александр Бречалов "Удмурт кенешлэн" ёзчиосын рос-прос вераськиз но пӧртэм юанъёслы валэктон сётӥз.

«Билингва. О практиках формирования двуязычия в современной городской среде» ӵектосэз улонэ пыӵатон улсын 11-тӥ оштолэзе Ижкарысь Кузёбай Герд нимо гимназиын кык кылолыкъя элькун семинар ортчиз. Ужрадэ пыриськизы 60-лэсь ятыр дышетӥсьёс но кык кылын вераськись нылпиосын ужась ӧнерчиос.