Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Билингва ТВ
Йылпумъяськиз "Билингва ТВ" вожвылъяськон

Йылпумъяськиз "Билингва ТВ" вожвылъяськон. Конкурсэ 22 видеоуж вуиз. Вормисьёс быръемын но вожвылъяськонлы йылпумъянъёс лэсьтэмын луозы толэзьлэн пумозяз. Вормисьёс ялэмын но кузьымъёс кузьмамын луозы 2 инвожое, Нылпиослэн нуналзылы сӥзем праздникын. Конкурс радъяськиз Билингва. О практиках формирования двуязычия в современной городской среде" проектлэн азинскемез улсын (проект Азьмурт грантъёсъя фондлэн юрттэмезъя улонэ пыӵа). Конкурсэ вуэм ужъёсын тодматскыны луоз Ютубысь "Udmurt Bilingva" каналын.

Камали
Быдӟым Вормон Нуналлы сӥзьыса «Камали» нылпи студия «Нылпиос огназы кылё» выль уж дасяз.

Быдӟым Вормон Нуналлы сӥзьыса «Камали» нылпи студия «Нылпиос огназы кылё» выль уж дасяз.

Малы кулэ дунне вылын война?

Кӧня семья быриз ни со понна?

Ойдо ӵошен тупаса улыны!

Эшъёс, тырмоз ожмаськыны!!!

Та кылъёсты верало пиналъёс но арлыдоос но. Ар талэсь азьло но, туала вакытэ но ож куректон гинэ вае. Со пыре котькуд адямилэн улоназ, котькуд семьялэн, котькуд калыклэн, котькуд кунлэн.

Ӵапак та кылъёс чузъясько выль кырӟанын. «Камали» нылпи студие ветлӥсь нылпиос 2013-тӥ арысен шӧдскымон будӥзы, быгатонлыкъёссэс волятӥзы, творчествоя выль вамышъёс лэсьтӥзы. Туннэ пинал артистъёслэн бадӟым репертуарзы ни, 2016-тӥ арын поттӥзы асьсэлэсь дисксэс. Нош 2018-тӥ арлэсь сезонзэ выль видеоадӟытонэн йылпумъязы.

Эрик Михайлов
Нылпи суредъёсъя «Вить дуно кылъёс» вожвылъяськонлы йылпумъянъёс лэсьтэмын

Нылпи суредъёсъя «Вить дуно кылъёс» вожвылъяськонлы йылпумъянъёс лэсьтэмын.

Азьмурт грантъёсъя Фондлэн вожвылъяськоназ вормем «Билингва. О практиках формирования двуязычия в современной городской среде» ӵектос улсын нылпи суредъёсъя «Вить дуно кылъёс» конкурс ортчиз.

Вожвылъяськонлэн куронъёсызъя ужъёс кутӥськизы 4-сен 8 аресозь удмурт кылэз тодӥсь нылпиослэсь. Пиналъёс асьсэос малпаны кулэ вал дуно луись вить кылъёсты но соос вылэ пыкиськыса суред малпаны.

Конкурсэ 48 уж вуиз.

Тужгес усто 3 суредъёслэн авторъёссы «Билингва. О практиках формирования двуязычия в современной городской среде» ӵектослэсь кузьым басьтозы. Со сяна, вожвылъяськонэ пыриськем 17 пиналъёслы но синпель кузьым чакламын. Конкурсэ ужзэ келям котькуд суредаськись басьтоз нимысьтыз сертификат. Вормисьёсты сӥлы карон ужрадэз ортчытыны чакламын Нылпиосты утён нуналэ - 1-тӥ инвожое.

«Вить дуно кылъёс»конкурслы йылпумъянъёс:

1-тӥ инты – Мензарипова Аня.

2-тӥ инты – Петрова Настя.

3-тӥ инты – Акаева Кира.

uuF2vQnEKqY
Удмурт IT ӧнерчиос нылпиослы удмурт кылэз дышетон понна выль мультимедийной шудон кылдытӥзы

Удмурт IT ӧнерчиос нылпиослы удмурт кылэз дышетон понна выль мультимедийной шудон кылдытӥзы

«Чингыли» ӵектос бордын тыршизы удмурт егитъёслэн «Шунды» огазеяськонзылэн ёзчиосыз Удмурт Элькунысь дышетонъя но тодосъя министерствоен валче, «Мынам Удмуртие» телерадиокомпания юрттэм улсын. Ӵектос 3 пӧртэм темаослы люкемын:

  1. «Шудон».

  2. Кылбуръёс, выжыкылъёс но мадиськонъёс.

  3. Удмурт-ӟуч кыллюкам (ватсэт).

Мультимединой ӵектослэн ужаз пыртэмын «Зэмос удмурт веме» акци улсын кылдытэм мультфильмъёс, «Монами» дизайн-студилэн суредъёсыз, Екатерина Мензариповалэн но Pixabay.com сайтысь Creative Commons лицензи улсын вӧлмытӥськись мукет суредасьёслэн ужъёссы.