Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

IMG 4278
28-тӥ гудырикошконэ, Ижкарын Нылпи литературая антологиен тодматон ортчиз. Книга Россиысь 201 авторлэсь 55 йӧскалык кылъёсын гожтэм но ӟуч кылэ берыктэм произведениоссэс огазеяз.

28-тӥ гудырикошконэ, Ижкарын Нылпи литературая антологиен тодматон ортчиз. Книга Россиысь 201 авторлэсь 55 йӧскалык кылъёсын гожтэм но ӟуч кылэ берыктэм произведениоссэс огазеяз.

Антологие вить удмурт гожъясьёслэн – Алексей Ельцовлэн, Римма Игнатьевалэн, Ульфат Бадретдиновлэн, Владимир Михайловлэн но Лия Малыхлэн ужъёссы пыризы.

Кылэз дышетон
Котькуд семья быгатэ бырйыны, кыӵе кылэз анай кыл чотын дышетыны

Гудырикошкон толэзьлэн кутсконаз Росси Азьмурт анай кылъёсты дышетонъя эрико быръён сярысь катэз юнматӥз. Ужкагазэ пыртэмын Россиысь вань калыкъёслэн кылъёссы, соос пӧлын ик ӟуч – табере одно дышетоно кун инлыкен но анай, вордскем кыл инлыкен.

Анай кылъёсты дышетыны эрикрад вазиськон гожтон пыр улонэ пыӵатӥське. Со гожтӥське нырысетӥ но витетӥ классэ выжыку. Анай-атайёс дась гожтэм вазиськон улэ кинюртэмзэс кельтыны кулэ ӧвӧл – асьсэос пусйыны кулэ дышетоно кылзэс.

Рыжий фестиваль
15-ти куарусёнэ Ижкарысь Космонавтъёслэн парказы XV Горд Фестиваль ортчоз

Удмуртъёсты быдэс дуннеысь калыкъёс полысь тужгес но кельыт йырсиё нимало. Кельыт адямиослэн лыдзыя Шаермлы Ирландиен гинэ ӵошатскыны быгатэ.

15-ти куарусёнэ Ижкарысь Космонавтъёслэн парказы XV Горд Фестиваль ортчоз.

УРМИИ
Ижкарын одӥгаз музеын экскурсиосты удмурт кылын ортчытъялозы

Ижкарысь суредан искусствоосъя элькун музей экскурсиоссэ удмурт кылын ортчытъяны кутске.

Сыче ӵектон потӥз музейысь ёзэтэн кивалтӥсьлэсь Ольга Бикузиналэсь. 22-тӥ гудырикошконэ ини со журналистъёсты Андрей Костылёвлэн «Удмурт погода» адӟытонэныз удмурт кылын тодматоз. "Удмурт Сальвадор Далилэн" экспозициез озьыен выль ӵектослы кутскон сётоз. Нош талэсь азьлогес ни, удмурт экскурсия ортчытэмын вал «инстаудмурточкаослы», инстаграмын удмурт нылъёс пӧлын ортчем вожвылъяськонэ пыриськемъёслы.

Удмурт кылын экскурсиослы куриськонэн вазиськыны луоз ни куарусён толэзьысен.

шундыкар
«Шундыкар» лагерь матысь двре усьтӥськоз

22-тӥ гудырикошконэ ӧсъёссэ усьтэ пинал усточиослэн «Шундыкар» лагерьзы. Со егитъёслэн «Ёлочка» лагерязы 31-тӥ гудырикошконозь ужалоз.

Удмурт егитъёслэн «Шунды» огазеяськонзылэн ӵектосэз удмурт киужъёсты, фольклорез но туала удмурт творчествоез дышетон пыр удмурт кылэз но лулчеберетэз вӧлмытыны ужпум пуктэ. Солэн кулэлыкез но пайдалыкез туж умой адӟиське: тросэз удмурт кылбурчиос но гожъясьёс, артистъёс но суредасьёс, журналистъёс но политикъёс, чеберлыко киужъёсъя усточиос но дышетӥсьёс «Шундыкар» лагерь пыр потӥзы. Туннэ соос туала удмурт лулчеберетэз но мерлыкез азинтӥсьёс луо.

Таяз арын «Шундыкарын» быгатонлыкъёссэс волятыны, тодон-валанъёссэс муромытыны быгатозы Удмурт Элькунысь 100 но бускель улосъёсысь 20 кузя удмурт нылпиос.

Дышетон мыноз 9 ӧръёсъя: литература, эстрада, журналистика, суредаськон, диськут дизайн, фольклор, видеоискусство, театр, фотоискусство.