Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

семинар3
11-тӥ оштолэзе Кыкылолыкъя XV семинар ортчоз

Вань удмуртъёслэн «Удмурт Кенеш» огазеяськонзы, Кыккылолыкъя «Билингва» удмурт центр, Кузёбай Герд нимо йӧскалык гимназия 11-тӥ оштолэзе 10 часысен Ижкарысь Кузёбай Герд нимо гимназиын (Петров нимо урам, 19-тӥ юрт) азьмурт грантъёсъя Фондлэн но Удмурт Элькунысь йӧскалык политикая министерствлэн юрттэмзы улсын кыккылолыкъя «О практиках формирования двуязычия» семинарез ортчытозы.

Артэ
Брангуртын нош ик трос куноосты пумитаны дасясько

Брангуртын нош ик трос куноосты пумитаны дасясько. 22 -тӥ оштолэзе отысь культура юртын нылпи театръёслэн фестиваль – конкурссы ортчоз.

Али ик тодмо ни – фестивале 10-лэсь трос коллективъёс пыриськозы. Туэ палэнысь но куноосты возьмало.

Вераны кулэ, шаерысь нылпи театръёслэн та фестивальзылы кутскон сётиз Брангурт культурая юртысь нылпи театрлэн кивалтӥсез Ольга Туктарева.

Таиз фестиваль ньылетӥез луоз ни. Нырысетӥез Йӧскалык театрын радъяськиз, Брангуртысь «Кузьыли кар» нылпи театрлэн нимыз улсын. Берло аръёссэ ужрад «Артэ» нимаське. Вера радъясез – Ольга Туктарева.

Майя Бывальцева
Выльдӥськиз "Анай-атайёслы дэмланъёс" ёзэт

Сайтамы "Тодослыко люкет/ Анай-тайёслы но дышетӥмьёслы" люкетысь "Анай-атайёслы дэмланъёс" ёзэтэ Бывальцева Майялэн "Анай кылэз утён: мылкыд вань ке, луонлыкъёс шедёзы" статья ватсамын.

Статьяын вераськон мынэ, кызьы кыккыло семьяосын анай кылын нылпиосты вераськыны но сое гажаны дышето.

14 семинар
Туннэ Удмурт Элькунысь Калыкъёслэн Эшъяськон юртазы кыккылолыкъя XIV семинар ортчиз

Туннэ Удмурт Элькунысь Калыкъёслэн Эшъяськон юртазы кыккылолыкъя XIV семинар ортчиз.

Анай-атайёсын ӵош ужанлы сӥзем площадкаын тодмо психоаналитиклэн Франсуаза Дольтолэн дышетон амалъёссэ эскеризы.

Нылпи площадкаын нош кык кылэз тодӥсь пиналъёс театр дуннеен, актёръёслэн ӧнеренызы тодматскизы. Пумиськонзы йылпумъяськиз анай-атайёссы понна пичияк концертэн.

Семинар бере котькуд нылпи «Билингва» центрлэсь кузьым басьтӥз. Анай-атайёс понна ӧнерчиосын нимысьтыз пумиськыса-кенешыса визь-нод басьтыны луонлык кылдытэмын вал. Семинар усто пӧрмиз.

Возьмаськом мылкыдъёстэс шараямдэс.

театр
«Нуныкай» огъетын кык кылын вераськись нылпиос понна театръя студия ужа

Ваньмон дырез радъянъя «Нуныкай» огъетын кык кылын вераськись нылпиос понна театръя дышетсконъёс ортчо. «Удмурт кенеш» огазеяськонлэн «Билингва. О практиках формирования двуязычия в современной городской среде» ӵектосэз но ваньмон дырез радъянъя «Нуныкай» огъет ужам улсын кык кылын вераськись пиналъёс понна Ижкарын туэ театръя студия ужзэ мытӥз.

Театръя студиын пумиськонъёс ортчо арняяз огпол кык пӧртэм группаосын – нимаз 5-сен 7-озь но 8-ысен 9 аресозь нылпиос понна. Покчиос «Теремок» ӟуч выжыкылъя «Лы корка» нимо мунё спектакль дасяло, бадӟымъёсыз «Репка» выжыкыл пуктон бордын тыршо.