Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Шудон корка
"Шудон корка" удмурт кылын вераськись нылпиосты куное возьма

17 пӧсьтолэзе 18 часэ 30 минутэ Ижкарысь «Грифон» арт-центрын «Шудон-корка» усьтӥськоз. Ужрад ортчоз «Кубыз» фестиваль улсын.

Отчы возьмало нылпиосты. Соосты эктытоз кубызчи Миклош Дэметэр, нош Анастасия Дэметэр-Петрова киужъёсын мастер-классъёс возьматоз. Елена Каракулова крезен шулдыртоз. Ужрадэ "Билингва. О практиках формирования двуязычия в современной городской среде" проектысьтымы ӧнерчиос но пыриськозы. Кылсярысь, Татьяна Бакаева шудонъёсты дышетоз.

Озьы ик отын ужалоз Дэметэр усточиослэн киужъёсын адӟытонзы.

Победа
«Билингва» ӵектос Россиысь йӧскалык кусыпъёсъя устоосыз проектъёс пӧлы пыриз

«Удмурт Кенеш» огазеяськонлэн «Билингва. О практиках формирования двуязычия в современной городской среде» ӵектосэз Йӧскалык кусыпъёс удысын устоосыз практикаосъя огъяросси конкурсын вормиз.

Конкурсэ кутӥзы Азьмуртлэн фондысьтыз грант утэм ӵектосъёсты, кудъёссэ Россиысь мукет улосвылъёсын но капчиен азинтыны луоз.

Вожвылъяськонэ пыриськон понна куриськонын проект бордын тыршисьёс «Билингвалэсь» пуштроссэ валэктӥзы, ӵектос улсын быдэстэм ужъемышъёсты возьматӥзы, туспуктэмъёсты но видео, мерлыко вотэсбамъёсы но сайтъёсы чӧлсконъёсты интыязы. Озьы дунъясьёс ӵектосэз котырак эскерыны но адӟыны быгатӥзы, зэмзэ-а со тунсыко но пайдаё, луоз-а та проектэз мукет улосвылъёсын азинтыны.

19-тӥ пӧсьтолэзе Йӧскалык кусыпъёс удысын устоосыз практикаосъя огъяросси конкурсын вормисьёс ӵектосъёсынызы Москваын Россиысь калыкъёслэн конгрессазы люкаськемъёсты тодматозы.

Дорога к бабушке
Возьмаськомы ужъёстэс творчествоя «Ӵужанай доры сюрес» конкурсэ

Тодады вайытӥськомы: "Билингва. О практиках формирования двуязычия в современной городской среде» проект Азьмуртлэн грантъёсызъя фондлэн, Удмурт Элькунысь йӧскалык политикая министерстволэн, "Удмурт Кенешлэн" юрттэмзыя «Ӵужанай доры сюрес» конкурс ялӥз.

Конкурсэ 3-14 аресъем удмурт пиналъёс пыриськыны быгато. Со понна нылпиослы сётэм темая анай кылынызы верос, выжыкыл яке кылбур малпаны кулэ. Куинь тужгес усто ужъёслэсь авторъёссэ дуно кузьымъёсын пусъёзы, вань пыриськисьёслы сертификат сётозы. Озьы ик нимысьтыз кузьым ӵектослэн эшъёсыз — «Удмурт нылкышно кенеш» огазеяськон — дасязы. Со сяна, устоосыз нылпи ужъёс «Ӟечбур!» газетын печатласькозы.

Радъясьёс чакламъя, та выллем вожвылъяськонъёс удмурт кылэз вӧлмытыны юртто но кыккылолыко пиналъёслэсь но соослэсь анай-атайёссылэсь престижзэс ӝуто.

Мылкыд карисьёслэсь ужъёссэс «Удмурт нылкышно кенеш» огазеяськонлэн «ВКонтакте» вотэсбамаз 28-тӥ пӧсьтолэзёзь куто. Ваньмыз соос «Билингва» ӵектослэн сайтаз но «Удмурт нылкышно кенешлэн» мерлыко вотэсбамаз шараямын луозы.

Эру
Быдэ вуэмлы сӥзем «Эру» улоскуспо шулдыръяськон ортчиз Удмуртиын

Удмурт егитъёслэн «Шунды» огазеяськонзы Шаркан ёросысь Тол Бабайлэн усадьбаяз «Эру» праздник ортчытӥз. Быдэ вуэмлы сӥзем егитъёс понна шулдыръяськон радъяськиз 29-тӥ но 30-тӥ инвожое.

Люкаськизы оглом 12 командаос – Вавож, Кияса, Дэбес, Эгра, Шаркан ёросъёсысь но Татарстан элькунысь.

Йылпумъянъёсъя вормисе потӥз Шаркан ёросысь Кыква гуртысь команда, кыкетӥ инты – Зар-Вишуръёслэн, куинетӥ интые потӥз Татарстанысь команда. Котькудӥз дуно кузьымъёсын пусъемын вал.

Дорога к бабушке
Удмурт пиналъёс пӧлын творчествоя «Ӵужанай доры сюрес» конкурс ялэмын

"Билингва. О практиках формирования двуязычия в современной городской среде» проект Азьмуртлэн грантъёсызъя фондлэн, Удмурт Элькунысь йӧскалык политикая министерстволэн, "Удмурт Кенешлэн" юрттэмзыя «Ӵужанай доры сюрес» конкурс ялэ.

Конкурсэ 3-14 аресъем удмурт пиналъёс пыриськыны быгато. Со понна нылпиослы сётэм темая анай кылынызы верос, выжыкыл яке кылбур малпаны кулэ. Куинь тужгес усто ужъёслэсь авторъёссэ дуно кузьымъёсын пусъёзы, вань пыриськисьёслы сертификат сётозы.

Мылкыд карисьёслэсь ужъёссэс «Удмурт нылкышно кенеш» огазеяськонлэн «ВКонтакте» вотэсбамаз 28-тӥ пӧсьтолэзёзь куто. Ваньмыз соос «Билингва» ӵектослэн сайтаз но «Удмурт нылкышно кенешлэн» мерлыко вотэсбамаз шараямын луозы.