Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

ткацкий станок
Кияса ёросысь Вуж Салья школаын «Крыкмас сьӧр» гужем лагерь ужа

Кияса ёросысь Вуж Салья школаын «Крыкмас сьӧр» гужем лагерь ужа. Отын шутэтско 40 пиналъёс.

Нылпиос 4 отрядлы люкиськизы — «Ӟоз», «Кизили», «Реал-Мадрид» но «Спартак». Кыкез асьсэлы ним кутӥзы, Россиын ортчись футболъя чемпионатлы дурбасьтыса.

Лагерьын бадӟым саклык висъяло таза улонлы: ӵукна зарядка лэсьто, футболэн шудо, шулдыр стартъёс радъялляло. Со сяна, нылпиос пуш дуннезэс узырмытон сярысь уг вунэто. Кылсярысь, А. Пушкинлэн выжыкылъёсызъя сценкаос асьсэос ик пуктӥзы.

Вуж Сальяын палэнэ уг кыльы удмурт культура но — кӧня ке пиналъёс школаысь музей сэрегазы удмурт пужыосын ӵушкон куыны дышетско.

Ӵошен
Л. Моисеевалэсь проектмы сярысь статьязэ "Известия Удмуртской Республики" газетысь лыдӟе

14 инвожое "Известия Удмуртской Республики" газетын Людмила Моисеевалэн "Вералэн кылыз" статьяез печатламын. Статьяын "Билингва. О практиках формирования двуязычия в современной городской среде" проектлэн азинскемез сярысь вераськон мынэ. Проект 2017-тӥ арысен Азьмуртлэн грантъёсъя фондэныз юрттэмез улсын азинске.

12 июня
Ижкар "Герберын" "Билингва" ӵектослэн площадкаез ужаз

12 инвожое Ижкар "Герберын" "Билингва" ӵектослэн площадкаез ужаз. Шулдыръяськонэ вуэм нылпиос понна горд сюйен ужанъя, калык шудонъя но эктонъя, кылэз волятонъя мастер-классъёс ортчытэмын вал. Мастер-классъёсы 60-лэсь ятыр нылпиос пыриськизы. Котькуд нылпи "Билингва" ӵектослэсь кузьым басьтыса кошкиз.

Нуныкай 4
Ижкар Герберын нылпиос понна удмурт лулчеберетъя мастер-классъёс радъяськозы

Ижкар Герберын нылпиос понна удмурт лулчеберетъя мастер-классъёс радъяськозы

12-тӥ инвожое – Карлэн нуналаз, Россилэн нуналаз – Ижкарысь Кызьпу Арамаын ортчоз Гербер шулдыръяськон. Ужрадлэн огез площадкаез быдэсак сӥземын луоз пиналъёслы – «Нуныкай» огъетысь ӧнерчиос удмурт лулчеберетъя мастер-классъёсы ӧтё.

Тодады вайытом, «Нуныкай» огъет удмурт нылпиос понна дышетсконъёс радъя «Удмурт Кенеш» огазеяськонлэн «Билингва. О практиках формирования двуязычия в современной городской среде» ӵектосэз улсын. Проект миым азьмурт грантъёсъя Фондэн ялэм вожвылъяськонын вормисе потӥз.

Ӟеч сямъя «Удмурт кенеш» котькуд Ижкар Гербер шулдыръяськонын нимысьтыз азбар усьтэ. Отысь ик «Нуныкай» центрысь дышетӥсьёсты пумитаны луоз.

«Нуныкайлэн» площадкаез ужаны кутскоз 12 час но 30 минутысен