Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Элькун Тӧролэн но Кивалтэтлэн Администрацияз йӧскалык гимназиын дышетскисьёсын пумиськон ортчиз

Госсовет

21-тӥ тулыспалэ, анай кыллэн Калыккуспо нуналаз, Элькун Тӧролэн но Кивалтэтлэн Администрациезлэн кивалтӥсез Сергей Смирнов Кузёбай Герд нимо гимназиысь нылпиосын Эвика Кузьминаен но Арсений Волковен пумиськылӥз.

Ужрадэ пыриськиз гимназилэн директорез, "Билингва" удмурт центрлэн кивалтӥсез, кылосбур тодосъя кандидат Татьяна Волкова но Улосвыл парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез, «Удмурт кенеш» огазеяськонлэн тӧроез Татьяна Ишматова.

Нырысетӥ классын дышетскисьёс удмурт но ӟуч кылын кылбуръёс шара лыдӟизы, гимназилэн улонэз сярысь вераськизы. Сергей Смирнов пиналъёслэн анай кылзэс дышетон но калык лулчеберетэн тунсыкъяськон мылкыдзы понна тау кариз.

Кивалтӥсь ӟечкылаз куноосты анай кыллэн нуналэныз но калык сям-йылолъёсты утён но азинтон ӧрын азинсконъёс сӥзиз. «Нылпиослы атыкай музъемез гажан мылкыд пыӵатон бордын милемлы ӵошен тыршоно. Дышетоно анай кылэз яратыны, удмурт-а со, ӟуч-а, яке мукет. Ӵапак кыл калык сям-йылолъёсты но лулчеберетэз утёнын валтӥсь инты басьтэ», - пусйиз Администрацилэн кивалтӥсез.