Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

«Троскылъемлыко улосын анай кыллы дышетон» VIII Калыккуспо научно-практическая конференция

конференция 27–28-тӥ ожтолэзе Удмуртиын «Троскылъемлыко улосын анай кыллы дышетон» VIII Калыккуспо научно-практической конференция ортчоз.

Конференцилэн валтӥсь темаез – «Анай кылъя урок: кулэлыкез, туала ивортодэто мерлыкын интыез но аспӧртэмлыкез».

Ужрадлэн ужпумез – выль дышетон стандартлэн куронъёсызъя анай кылъя урокез дасян но ортчытон удысын тунсыко но пайдаё ужан амалъёсты шараян вӧлмытон.

Конференциез радъяло Дышетонэз азинтонъя институт, Дышетон удысысь ужпумъёсты тодон-эскеронъя институт, Кузебай Герд нимо Удмурт кун йӧскалык гимназия но Шаркан ёросысь Ляльшур шоръёзо школа.

Солэн ужаз пыриськозы Россиысь (Удмуртия, Татарстан, Пермь улос, Кабардино-Балкария, Чечня), Финляндиысь, Венгриысь но Италисысь ӧнерчиос. Пӧлазы нылпи садъёсысь визьнодасьёс, дышетӥсьёс, тодосчиос, кивалтон ёзъёсын тыршисьёс.

Конференцилэн нырысетӥ нуналаз, 27-тӥ оштолэзе, пӧртэм площадкаос ужазы: покчиосты удмурт кыллы дышетонъя, инъетъёзо школын анай кылъя урокез выль стандартлэн куронъёсызъя радъянъя секциос, покчи классъёсын удмурт кыллы дышетонын пиналъёслэсь ужъемышъёссэс дунъянъя семинар, урокын анай кылэз дышетыны мылкыдэз пуромытонъя мастер-класс, вераськон практикаослы сӥзем мастерской. 28-тӥ оштолэзе ужрад Шаркан ёросысь Ляльшур шоръёзо школаын азьланьтӥськоз. Татысь покчи классъёсын ужасьёс но удмурт кылъя дышетӥсьёс шара урокъёс возьматозы.

Конференциын Кыккылолыкъя "Билингва" удмурт центрлы презентация радъямын луоз.