Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

«Выжыкылысь геройёс Тол Бабайлэн шаераз» улосвылкуспо фестиваль Удмуртиын нош ортчоз

Тол Бабай «Выжыкылысь геройёс Тол Бабайлэн шаераз» улосвылкуспо фестиваль Удмуртиын куатетӥ ползэ ортчоз.

Кызьы ивортӥзы Шаркан ёрослэн администрацияз, шулдыръяськонэ вуозы Костромаысь Снегурочка, Татарстанысь Кыш Бабай но Кар Кызы, Байкалысь Дед Мороз, Вятские Поляныысь Девица-Метелица, Переславль-Залесскийысь Царь Берендей, Чувашиысь Хел Мучи но Юр Пике, Мордовиысь Якшамо Атя но Масторава, Великий Устюгысь Дед Мороз.

Фестиваль 8-тӥ толсуре Ижкарысь «Ижсталь» йӧ дворецын кутскоз, отын «Тол Бабайлэн но Дед Морозлэн Выль ар приключениоссы» театр возьматон ортчоз.

Фойеын шудон но туспуктон лэсьтон интыос висъялозы, чеберлыко киужъёсын, элькунысь предприятиослэн вузъёсынызы вузкарон радъялозы. Котькуд учкись Тол Бабайлэсь но Великий Устюгысь Дед Морозлэсь синпель басьтозы. Кузьымъёслы коньдон люкало boomstarter платформаын.

9-тӥ толсуре фестиваль Шаркан ёросэ выжоз. Тол Бабайлэн усадьбаяз асьсэ выжыкыл юртъёсазы куноосты возьмалозы Обыда, Лудмурт но Вуныл. Отын ик Удмуртиысь нырысетӥ Выль ар кызлэн тылъёсыз ӝуатскозы.

Ивор кутэмын: Ивортодэтъя "Удмуртия" агентство