Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

Котькуд семья быгатэ бырйыны, кыӵе кылэз анай кыл чотын дышетыны

Кылэз дышетон Гудырикошкон толэзьлэн кутсконаз Росси Азьмурт анай кылъёсты дышетонъя эрико быръён сярысь катэз юнматӥз. Ужкагазэ пыртэмын Россиысь вань калыкъёслэн кылъёссы, соос пӧлын ик ӟуч – табере одно дышетоно кун инлыкен но анай, вордскем кыл инлыкен.

Ӟуч кылэз анай чотын быръем анай-атайёслэн нылпиоссы сое ватсаса кык час дышетозы. Мугез – куд-ог улосъёсын йӧскалык кылъёсты дышетонлы мултэс саклык висъямен герӟаськемын. Сыӵе йылпумъянэ вуэмын прокуратураен но Рособрнадзорен эскеронъёс ортчытэм бӧрсьы. Удмуртия сярысь верано ке, тырмымтэос пусъемын ӧй вал. Кылдэм югдурысь потон амал луиз анай кылъёсты дышетонъя эрико быръён сярысь кат.

Удмурт Элькунын 130 пала пӧртэм калыкъёс уло. Шаерысь школаосын удмурт, пор но бигер кылъёсты дышетонъя трос визь-нод люкамын. Но кызьы ужано мукетъёсыныз? Дась луозы-а элькунысь школаос котькуд нылпилэсь эрикрадзэ чакланы? Министерствоын оскыто – анай кыл чотын мукет кылъёсты дышетыны мылкыд карисьёс луизы ке – вазиськонъёсты одно ик эскерозы.

Анай кылъёсты дышетыны эрикрад вазиськон гожтон пыр улонэ пыӵатӥське. Со гожтӥське нырысетӥ но витетӥ классэ выжыку. Анай-атайёс дась гожтэм вазиськон улэ кинюртэмзэс кельтыны кулэ ӧвӧл – асьсэос пусйыны кулэ дышетоно кылзэс.