Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

«Наукае нырысетӥ вамышъёсы»

31-тӥ оштолэзе Удмурт кун университетысь удмурт кылосбур факультетын бадӟым классъёсын дышетскись пиналъёс понна «Наукае нырысетӥ вамышъёсы» нимо тодослыко конференция ортчиз. Ужрадэ пыриськемъёс удмурт кылтодон, литературоведение, фольклор, шаертодон удысъёсъя дасям докладъёссэс лыдӟизы.

Егит тодосчиослэсь ужъёссэс дунъязы тодмо учёнойёс, кылсярысь, философи тодосъёсъя доктор Людмила Леонидовна Карпова, филологи тодосъёсъя кандидат Ирина Вячеславовна Пчеловодова, филологи тодосъёсъя кандидат Алевтина Васильевна Камитова но мукетъёсыз.

Пӧртэм секциосын вормисьёс синпель-кузьымъёсын но грамотаосын дунъямын вал. Секциосын вормисьёс озьы ик 22-тӥ южтолэзе егит тодосчиослэн тодослыко конференциязы пыриськыны быгатозы.

Ӟечкыласьком вань вормисьёсты но соослэсь тодослыко кивалтӥсьёссэс! Сӥзиськом соослы выль вормонъёс!