Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

«Шудо кузпалъёс» адӟытон

Шудо кузпалъёс 3-тӥысен 28-тӥ куарусёнозь ЦДПИ-ын «Шудо кузпалъёс» адӟытон ужа.

Трос калыкъёслэн культураязы, удмуртъёслэн но озьы ик, «воргорон» но «кышномурт» одӥг арберилэн люкетъёсыз кадь возьматӥсько. Вордӥськем дырысенызы мугорзылэн ог люкетэз гинэ луэ, огазеяськыса гинэ соос быдэсмо. Нош люкид ке соосты – асьсэос коже шонер возиськыны уз ни быгатэ, тырмымтэзы кылдоз. Нош огазе кариськыса котькудӥз аслэсьтыз луонлыксэ но чеберлыксэ паськытгес усьтыны быгатэ. Соин ик аслэсьтыд ӝыныдэ утчан, огазеяськыны тыршон, семья кылдытон – огшоры адями сям. Семья улонлэн куронъёсызлэн вань сӧзнэтъёсыз пыкисько ваче тупан вылэ, кудӥз котькуд люкетэзлы – воргоронлы но кышномуртлы – шуд но пайда вае.

Адӟытон сӥземын кышномуртлэн но воргоронлэн дуннезылы, кузлы. Кузпалъёс – котырзэс огазеясь инлыксэс юнматись арбериосын чебермало. Сое чакланы луэ удмурт дэремъёслэн люкетъёсазы но. Адӟытонын «Художественный текстиль» ӧръя быдэстэм киужъёс поттэмын луозы (миндеръёс, ӵушетъёс, сумкаос).