Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

"Билингва» аслэсьтыз ужзэ паськытатэ

Кык кылэз тодӥсь анай-атайёс но пиналъёс понна радъяськись семинар ортчытӥське «Билингва. Карын кыккылолыкез азинтонъя ужан амалъёс» проект улсын – та проект Президент грантъёслэн фондэзлэн конкурсаз вормись луиз.

Кызьы пусйиз проектлэн кивалтӥсез Татьяна Волкова, утэм грантлы луыса, кыккылолыкъя «Билингва» удмурт центр аслэсьтыз ужзэ паськытатэ. Семинарлэн ужаз таяз учыре удмурт кылэз тодӥсь анай-атайёс но пиналъёс сяна, пыриськыны быгато мукет выжы калык семьяос но, семинаре лыктыны быгато вань мылкыд карисьёс, кинэ сюлэмшугъяськыто анай кылэз семьяын утен ужпумъес.

Семинар дыръя пӧртэм площадкаослэн ужзы чакламын. Пиналъёс понна радъяськозы тодон-валан сётӥсь шудон площадкаос (пиналъёслэн арлыдзы - 2-9 арес). Анай-атайёс котырес ӝӧк сьӧрын кык кыллы дышетонэн герӟаськем сюлэмшугъяськытӥсь ужпумъёсты эскерозы, кылэз волятон амалъёссы сярысь кенешозы. Семинарлэн ужаз пыриськозы проектэз радъясь кыккылолыкъя ӧнерчиос но дышетӥсьёс, нылпи психолог но логопед.

Семинар ужзэ кутскоз 11 часын, регистрация радъямын луоз 10 ч.30 минутысен (Ижкар, Калыкъёслэн Эшъяськон юртсы, Орджоникидзе урам, 33-а).

Кызьы ивортӥзы проектэз быдэсъясьёс, анай-атайес, нылпиос, кык кылэз тодӥсь пиналъёсын ужась ӧнерчиос понна семинаръёс быдэс ар ӵоже радъяськозы (ваньзэ 7 семинар ортчытыны чакламын). «Билингва. Карын кыккылолыкез азинтонъя ужан амалъёс» проект чотын озьы ик ужзэ азьланьтоз «Удмурт Кенеш» огазеяськонлэн кык кылэз тодӥсь нылпиослы радъям "Нуныкай" центрез. Занятиос таяз арын кутскозы 3-тӥ тулыспалэ.

Семинарез радъяло: Кыккылолыкъя «Билингва» удмурт центр, Удмурт Элькунысь Калыкъёслэн Эшъяськон Эшъяськон юртсы ,Вань удмуртъёслэн «Удмурт Кенеш» огазеяськонзы Президент грантъёсъя фондлэн но Удмурт Элькунысь йӧскалык политикая министерстволэн юрттэмзыя.

Юанъёсъя вазиськыны луоно 89048304946 телефонъя (Волкова Татьяна Геннадьевна, проектлэн кивалтӥсез, кылосбуръя кандидат).